ବୌଦ୍ଧ: ସମସ୍ୟା ଘେରରେ ବିଭିନ୍ନ ଅଙ୍ଗନବାଡି କେନ୍ଦ୍ର । କେଉଁଠି ଅଙ୍ଗନବାଡି କେନ୍ଦ୍ରକୁ ନେଇ ସମସ୍ୟା ତ ପୁଣି କେଉଁଠି ନିଯୁକ୍ତିରେ ଅନିୟମିତତା ହୋଇଥିବା ଅଭିଯୋଗ ଆସିଛି ।
ଫଳରେ ସେଠାରେ ଶିଶୁମାନଙ୍କୁ ସୁଷମ ଖାଦ୍ୟ ନମିଳିବା କାରଣରୁ ସେମାନେ କୁପୋଷଣର ଶିକାର ହେଉଥିବା ଅଭିଯୋଗ ହୋଇଛି । ସେହିପରି ଅତଳସରା ଗ୍ରାମରେ ଅଙ୍ଗନବାଡି ଗୃହ ନିର୍ମାଣ ହୋଇଥିଲେ ମଧ୍ୟ କର୍ମୀଙ୍କ ନିଯୁକ୍ତିକୁ ନେଇ ଦେଖାଦେଇଛି ସମସ୍ୟା । ସେପଟେ ହରଭଙ୍ଗା ସିଡିପିଓଙ୍କ କାର୍ଯ୍ୟାଳୟ ଠାରୁ ମାତ୍ର କିଛି ମିଟର ଦୂରରେ ଥିବା ଚାରିଛକ ଅଙ୍ଗନବାଡି କେନ୍ଦ୍ରରେ ସହାୟିକା ନିଯୁକ୍ତିରେ ଅନିୟମିତତା ହୋଇଥିବା ଅଭିଯୋଗ ହୋଇଛି । ଜଣେ ସ୍ଥାନୀୟ ଅସହାୟ ମହିଳାଙ୍କୁ ଅଗ୍ରାଧିକାର ଦିଆନଯାଇ ଜଣେ ଜିଲ୍ଲା ବାହାର ପ୍ରାର୍ଥୀଙ୍କୁ ବେଆଇନ ଭାବରେ ନିଯୁକ୍ତିକୁ ସ୍ଥାନୀୟ କମିଟି ବିରୋଧ କରି ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଛି । ତୁରନ୍ତ ଏଦିଗରେ ଜିଲ୍ଲା ପ୍ରଶାସନ ଦୃଷ୍ଟିଦେଇ ପଦକ୍ଷେପ ଗ୍ରହଣ ପାଇଁ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
