ବୌଦ୍ଧ: ଦିନକୁ ଦିନ ସରକାରୀ କର୍ମଚାରୀଙ୍କ ଉପରେ ଆକ୍ରମଣ ଘଟଣା ଏବେ ଚିନ୍ତାର କାରଣ ପାଲଟିଛି। ଗତ ଚାରି ଦିନ ପୂର୍ବରୁ ବୌଦ୍ଧଠାରେ ଏକ ଗୋମାତାକୁ ସେବା ଯୋଗାଇ ଜିଲ୍ଲା ମୁଖ୍ୟ ପ୍ରାଣୀଧନ ଚିକିତ୍ସକ ଜଣେ ବ୍ୟକ୍ତିଙ୍କ ଆକ୍ରମଣର ଶୀକାର ହୋଇଥିଲେ । ଏନେଇ ସାରା ରାଜ୍ୟରେ ପ୍ରାଣୀଧନ ଚିକିତ୍ସକମାନେ ପ୍ରତିବାଦ କରିବା ସହ ଧାରଣାରେ ବସି ବିକ୍ଷୋଭ ପ୍ରଦର୍ଶନ କରିଥିଲେ। ବୌଦ୍ଧଠାରେ ସିଡିଭିଓଙ୍କୁ ଆକ୍ରମଣ ଘଟଣାର ମୁଖ୍ୟ ଅଭିଯୁକ୍ତକୁ ବୌଦ୍ଧ ପୋଲିସ ଗିରଫ କରି ସାରିଛି ।
ସେପଟେ ସୋମବାର ପୁଣିଥରେ ମନମୁଣ୍ଡାଠାରେ ଜଣେ ବିଦ୍ୟୁତ କର୍ମଚାରୀଙ୍କୁ ବକେୟା ବିଦ୍ୟୁତ ଦେୟକୁ ନେଇ ଜଣେ ବ୍ୟକ୍ତି ଆକ୍ରମଣ କରିଥିବା ଥାନାରେ ଅଭିଯୋଗ ହୋଇଛି । ମନମୁଣ୍ଡା ପୋଲିସ ଅଭିଯୁକ୍ତକୁ ଗିରଫ କରିଥିବା ବେଳେ ଜିଲ୍ଲାରେ ବାରମ୍ବାର କର୍ମଚାରୀଙ୍କ ଉପରେ ହେଉଥିବା ଆକ୍ରମଣ କୁନେଇ ଗଭୀର ଉଦବେଗ ପ୍ରକାଶ ପାଇଛି ।
ଅନ୍ୟପଟେ ପଡୋଶୀ ସୋନପୁର ଜିଲ୍ଲାର ଏଟିଏମରୁ ଟଙ୍କା ଲୁଟ ଘଟଣାରେ ବୌଦ୍ଧ ଜିଲ୍ଲାର ଚାରିଜଣ ଅଭିଯୁକ୍ତଙ୍କ ଗିରଫ ଜିଲ୍ଲାରେ ବଢୁଥିବା ଅପରାଧିକ ପ୍ରବଣତାକୁ ପୁଣିଥରେ ସ୍ପଷ୍ଟ କରିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
