ବୌଦ୍ଧ: ପୁଣି ଅଲୋଡା ହେଲା ଶିଶୁ । ରାଜ୍ୟରେ ନବଜାତ ଶିଶୁ ଉଦ୍ଧାର ଘଟଣା ବଢିବାରେ ଲାଗିଥିବାବେଳେ ବୌଦ୍ଧରେ ସମାନ ଦୃଶ୍ୟ ଦେଖିବାକୁ ମିଳିଛି । ଜିଲ୍ଲାର ଚାରିଛକ ନିକଟରୁ ଏକ ନବଜାତ ଶିଶୁପୁତ୍ରକୁ ଉଦ୍ଧାର କରାଯାଇଛି ।
ଶନିବାର ରାତିରେ ଛକ ନିକଟରେ ଶିଶୁଟି ପଡିଥିବା ଜଣେ ବ୍ୟକ୍ତି ଦେଖିଥିଲେ । ସେ ସଙ୍ଗେ ସଙ୍ଗେ ଶିଶୁକୁ ଉଦ୍ଧାର କରି ପୁରୁଣାକଟକ ମେଡିକାଲରେ ଭର୍ତ୍ତି କରିଥିଲେ । ରବିବାର ଜିଲ୍ଲା ଶିଶୁ ସୁରକ୍ଷା ବିଭାଗ ପକ୍ଷରୁ ଶିଶୁଟିର ସ୍ବାସ୍ଥ୍ୟ ପରୀକ୍ଷା କରାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଏହାପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ତାହାକୁ ଭର୍ତ୍ତି କରାଯାଇଛି । ଶିଶୁଟିର ସ୍ବାସ୍ଥ୍ୟ ବର୍ତ୍ତମାନ ଭଲ ଥିବା କହିଛନ୍ତି ଶିଶୁ ସୁରକ୍ଷା ଅଧିକାରୀ । ତେବେ ଶିଶୁଟିର ପରିଚୟ ମିଳିପାରିନଥିବା ବେଳେ କିଏ ଓ କାହିଁକି ସେଠାରେ ଶିଶୁଟିକୁ ଫୋପାଡିଲା ତାହାର ତଦନ୍ତ ଆରମ୍ଭ କରିଛି ପୋଲିସ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
