ଭଦ୍ରକ: ଆଜି ଧାମନଗର ଉପନିର୍ବାଚନ( Dhamnagar by poll) । ଦିବଙ୍ଗତ ବିଧାୟକ ବିଷ୍ଣୁ ସେଠୀଙ୍କ ସ୍ଥାନରେ କାହାର ହେବ ଧାମନଗର ? କିଏ ମାରିବ ବାଜି ? ଏଥିପାଇଁ ଆଜି ୫ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର । ସକାଳୁ ମକ୍ ପୋଲିଂ ପରେ ମତଦାନ ଆରମ୍ଭ ହୋଇଛି । ସକାଳ ୭ଟାରୁ ସନ୍ଧ୍ୟା ୬ଟା ମତଦାନ ଚାଲିବ । ଏଥିପାଇଁ ଭୋଟରମାନେ ମଧ୍ୟ ବୁଥ ଆଗରେ ଲାଇନ ଲଗାଇବା ଆରମ୍ଭ କଲେଣି । ସମୁଦାୟ ୨୫୨ଟି ବୁଥରେ ଭୋଟଗ୍ରହଣ ହେଉଛି । ୧୧୦ଟି ବୁଥକୁ ସମ୍ବେଦନଶୀଳ ଚିହ୍ନଟ କରାଯାଇ ଏଠାରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ଧାମନଗର ଉପନିର୍ବାଚନ
ଧାମନଗର ନିର୍ବାଚନ ମଣ୍ଡଳୀରେ ୨ ଲକ୍ଷ ୩୮ ହଜାର ୪୧୭ ଭୋଟର ସେମାନଙ୍କ ମତସାବ୍ୟସ୍ତ କରିବେ । ସେଥିମଧ୍ୟରୁ ୧ ଲକ୍ଷ ୩ହଜାର ୩୮ ପୁରୁଷ ଭୋଟର ଓ ୧ ଲକ୍ଷ ୧୫ ହଜାର ୩୪୬ ମହିଳା ଭୋଟର ଅଛନ୍ତି । ୧୫ଟି ମଡେଲ ବୁଥ ଓ ୫ଟି ପିଙ୍କ୍ ବୁଥରେ ମତଦାତା ମତଦାନ ସାବ୍ୟସ୍ତ କରିବେ । ଭୋଟର ପରିଚୟ ପତ୍ର ବ୍ୟତୀତ ୧୨ଟି ଅନ୍ୟ ଡକ୍ୟୁମେଣ୍ଟ ଦେଖାଇ ମଧ୍ୟ ଭୋଟ୍ ଦେଇ ପାରିବେ ।
