ଭଦ୍ରକ: ଡଙ୍ଗାବୁଡି ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଲୋକେ । ଭଦ୍ରକ ଜିଲ୍ଲା ବାସୁଦେବପୁର ଚାରିବାଟିଆ ଘାଟରେ ଡଙ୍ଗା ପାର ହେଉଥିବା ସମୟରେ ଅଳ୍ପକେ ବର୍ତ୍ତିଛନ୍ତି ଡଙ୍ଗାରେ ଥିବା ଯାତ୍ରୀ ।
ଡଙ୍ଗା ଦୁର୍ଘଟଣାରୁ ଅଳ୍ପକେ ବର୍ତିଲେ ଯାତ୍ରୀ
ମନ୍ତେଇ ନଦୀର ଚାରିବଟିଆ ଘାଟ ଉପରେ ବାସୁଦେବପୁର ଓ ଚାନ୍ଦବାଲି ନିର୍ବାଚନ ମଣ୍ଡଳୀର ଲୋକମାନେ ନଦୀ ପାର ହେବାକୁ ଡଙ୍ଗା ଉପରେ ନିର୍ଭର କରନ୍ତି । ତେବେ ଏହି ନଦୀ ପାର ହେଉଥିବା ସମୟରେ ହଠାତ୍ ଏହି ଡଙ୍ଗାଟି ଭାରସାମ୍ୟ ହରାଇଥିଲା ।
ଫଳରେ,ଡଙ୍ଗାରେ ଥିବା ଯାତ୍ରୀ ଓ ମୋଟର ସାଇକେଲ ନଦୀରେ ପଡିଯାଇଥିଲା । ପରେ ନାଉରି ଓ ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରିଥିଲେ । ତେବେ ଏହି ଦୁର୍ଘଟଣା ନଦୀ ଘାଟ ନିକଟରେ ଘଟିଥିବାରୁ କୌଣସି କ୍ଷୟକ୍ଷତି ହୋଇନାହିଁ ବୋଲି ଜଣାପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
