ଭଦ୍ରକ: ବିଳମ୍ବିତ ରାତିରେ ଅଗ୍ନିକାଣ୍ଡ। ନିଆଁର ଆଁରେ ଛାରଖାର ହୋଇଗଲା ଘର। ଭଦ୍ରକ ସହରାଞ୍ଚଳ 20ନଂ ୱାର୍ଡର ବଡ ଶଙ୍କରପୁରର ହାଜର ବିବିଙ୍କର ତିନି ବଖରା ସମ୍ପୂର୍ଣ୍ଣ ଭସ୍ମୀଭୂତ ହୋଇଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବା ବେଳେ ବିଳମ୍ବିତ ରାତିରେ ଅଗ୍ନିକାଣ୍ଡ ହୋଇଛି।
ହୁତୁହୁତ ହୋଇ ଜଳିଗଲା ଘର; ଟଙ୍କା ସୁନା ଗହଣା ଭସ୍ମୀଭୂତ
ତେବେ ସମସ୍ତ ଲୋକ ଘରୁ ବାହାରି ଆସିଥିବା ବେଳେ ଆସବାବପତ୍ର, ଟଙ୍କା, ସୁନା ଗହଣା ସମ୍ପୂର୍ଣ୍ଣ ଜଳି ଯାଇଛି। ଭଦ୍ରକ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଛି । ସୂଚନା ଯେ, ହଠାତ ସୋମବାର ମଧ୍ୟ ରାତ୍ରିରେ କୌଣସି କାରଣରୁ ଘରେ ନିଆଁ ଲାଗିଥିଲା, ଚାହୁଁ ଚାହୁଁ ତିନି ବଖରା ଘର ଜଳି ଯାଇଥିଲା ।
ନିଆଁ ଅନ୍ୟ ଆଡେ ବ୍ୟାପିବା ପୂର୍ବରୁ ଅଗ୍ନିଶମ ବାହନୀ ନିଆଁକୁ ଆୟତ୍ତ କରିଥିଲା। ନିଆଁ ଲିଭେଇବା ବେଳେ ଅଗ୍ନିଶମ ବାହିନୀ ଆଣିଥିବା ଟାଙ୍କିରେ ପାଣି ସରିଯିବାରୁ ଏହାକୁ ନେଇ ମଧ୍ୟ କିଛି ସମୟ ପାଇଁ ଉତ୍ତେଜନା ଦେଖା ଦେଇଥିଲା।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
