ଭଦ୍ରକ: କଟକ ବଡ ମେଡିକାଲରେ ଜଣେ ଆଦିବାସୀଙ୍କ ଆଖି ତାଡିନେଇଥିବା ଅଭିଯୋଗ ହେବା ପରେ ଏଯାଏଁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିବା ଅଭିଯୋଗରେ ରାସ୍ତା ଅବରୋଧ । 2019 ନଭେମ୍ବର 11ରେ କଟକ ମେଡିକାଲରେ ଆଖି ତାଡି ନେଇଯାଇଥିବା ଅଭିଯୋଗ ହୋଇଥିଲା । ମାତ୍ର ଏନେଇ ତଦନ୍ତରେ ବିଳମ୍ବ ଓ ନ୍ୟାୟ ଦାବି କି ଆଜି ଶତାଧିକ ଆଦିବାସୀ ଭଦ୍ରକ ଆନନ୍ଦପୁର ରାଜ୍ୟ ରାଜପଥର ବାଗୁରାଇ ଠାରେ ରାଜରାସ୍ତା ଅବରୋଧ କରିଥିଲେ ।
ଖବରଅନୁଯାୟୀ, ଭଦ୍ରକ ବାଗୁରାଇ ଆଦିବାସୀ କଲୋନିର ବୀର ଗାଗରାଇଙ୍କ ମୃତ୍ୟୁକଟକ ବଡ ମେଡିକାଲରେ ହୋଇଥିଲା । ଏହାପରେ ପରିବାର ଲୋକଙ୍କୁ ନଜଣାଇ ବୀର ଗାଗରାଇଙ୍କ ଆଖି ତାଡି ନେଇଯାଇଥିବା ଅଭିଯୋଗ ଆଣିଥିଲେ ପରିବାର ଲୋକେ । ଏନେଇ ପରିବାର ଲୋକ ଥାନାରେ ଅଭିଯୋଗ ମଧ୍ୟ କରିଥିଲେ ।
ମାତ୍ର ପୋଲିସ ପକ୍ଷରୁ ତଦନ୍ତରେ ବିଳମ୍ବ ହେଉଥିବାରୁ ରାସ୍ତା ଅବରୋଧ କରିଥିଲେ । ତେବେ ଘଟଣାସ୍ଥଳରେ ପୋଲିସ ଓ ଜିଲ୍ଲା ପ୍ରାଶାସନିକ ଅଧିକାରୀ ପହଞ୍ଚି ଆନ୍ଦୋଳନକାରୀଙ୍କୁ ବୁଝାଶୁଝା କରିବାପରେ ରାସ୍ତା ଅବରୋଧ ହଟିଥିଲା ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
