ଭଦ୍ରକ: ଚିଙ୍ଗୁଡି ଘେରି ଖୋଳୁଥିବାବେଳେ ଟ୍ରାକ୍ଟର ଓଲଟି ଜଣେ ଶ୍ରମିକଙ୍କ ମୃତ୍ୟୁ । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଦେଖାଦେଇଥିବାବେଳେ ମୃତକଙ୍କ ପରିଚୟ ଅସ୍ପଷ୍ଟ ରହିଛି ।
ଚିଙ୍ଗୁଡି ଘେରି ଖନନ ସମୟରେ ଅଘଟଣ, ଟ୍ରାକ୍ଟର ଓଲଟି ଜଣେ ଶ୍ରମିକ ମୃତ
ଖବର ଅନୁଯାୟୀ ଭଦ୍ରକ ଜିଲ୍ଲା ଆରଡି ଫାଣ୍ଡି ଅଧିନସ୍ଥ ସନ୍ତରା ଗାଁ ନିକଟରେ ଜନୈକ ଠିକାଦାରଙ୍କ ଦ୍ବାରା ଚିଙ୍ଗୁଡି ଘେରି ଖୋଳା ଚାଲିଥିଲା । ଏହି କାର୍ଯ୍ୟରେ 4ଟି ଟ୍ରାକ୍ଟର ନିୟୋଜିତ ହୋଇଥିବାବେଳେ ଭାରସାମ୍ଯ ହରାଇ ହଠାତ ଏକ ଟ୍ରାକ୍ଟର ଓଲଟି ପଡିଥିଲା । ଫଳରେ ଟ୍ରାକ୍ଟର ତଳେ ଚାପି ହୋଇ ଜଣେ ଶ୍ରମିକଙ୍କ ପ୍ରାଣହାନୀ ଘଟିଥିଲା ।
ଘଟଣା ପରେ ଠିକାଦାର ଓ ଅନ୍ଯ ସହଯୋଗୀମାନେ ଫେରାର ହୋଇଯାଇଛନ୍ତି । ସେପଟେ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ମଧ୍ୟ ଦେଖାଦେଇଛି । ଖବରପାଇ ଆରଡି ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । ଅନ୍ୟପଟେ ମୃତ ଶ୍ରମିକଙ୍କ ପରିଚୟ ଅସ୍ପଷ୍ଟ ରହିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
