ଭଦ୍ରକ: ଧାମରା ବାସୁଦେବପୁର ରାସ୍ତାର ପାରାପୋଖରୀ ଛକ ନିକଟରେ ସଡକ ଦୁର୍ଘଟଣା । ଏଥିରେ ଜଣଙ୍କର ମୃତ୍ୟୁ ହେବା ସହ ଜଣେ ଗୁରୁତର ହୋଇଛନ୍ତି । ଏହି ମୁଖ୍ୟ ରାସ୍ତାରେ ଥିବା ବିଭିନ୍ନ ସମସ୍ୟା ଫଳରେ ଏପରି ଏକ ସଡକ ଦୁର୍ଘଟଣା ଘଟିଥିବା ଜଣାଯାଇଛି ।
ପାରାପୋଖରୀ ଛକ ନିକଟରେ ଦୁର୍ଘଟଣା, ଜଣେ ମୃତ
ସୂଚନା ଅନୁଯାୟୀ ଆନ୍ଦୋଳା ଅଞ୍ଚଳର ଶ୍ୟାମସୁନ୍ଦର ପରିଡା ଓ ପରମାନନ୍ଦ ବାରିକ ଏକ ବାଇକ ଯୋଗେ ବାସୁଦେବପୁର ଅଭିମୁଖେ ଆସୁଥିଲେ । ଏହି ସମୟରେ ପାରାପୋଖରୀ ଛକ ନିକଟରେ ଭାରସାମ୍ୟ ହରାଇ ବାଇକଟି ରାସ୍ତା କଡ଼କୁ ଖସି ଯାଇଥିଲା । ଫଳରେ ଘଟଣାସ୍ଥଳରେ ଶ୍ୟାମସୁନ୍ଦରଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା ଓ ପରମାନନ୍ଦ ମଧ୍ୟ ଗୁରୁତର ଭାବେ ଆହତ ହୋଇଥିଲେ । ପରେ ଉଭୟଙ୍କୁ ବାସୁଦେବପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତରିତ କରାଯାଇଥିଲା । ହେଲେ ସେଠାରେ ଡ଼ାକ୍ତର ଶ୍ୟାମସୁନ୍ଦରଙ୍କୁ ମୃତ ଘୋଷଣା କରିଥିଲେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
