ଭଦ୍ରକ: ଜିଲ୍ଲା ତିହିଡି ଥାନା ଅଞ୍ଚଳରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ଓ ଗଣଦୁଷ୍କର୍ମ ଅଭିଯୋଗରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ଗୋପନ ଆଚାର୍ଯ୍ୟ । ପୀଡିତା ତାଙ୍କ ସାନଭାଇ ସହିତ ବାଇକରେ ଯାଉଥିବା ବେଳେ ତହସିଲ ରୋଡରେ ମରଣାନ୍ତକ ଆକ୍ରମଣ କରାଯିବା ସହିତ ଗଣଦୁଷ୍କର୍ମ କରାଯାଇଥିବା ନେଇ ଥାନାରେ ଅଭିଯୋଗ ହୋଇଥିଲା ।
ଏନେଇ ପୋଲିସ 4 ଜଣଙ୍କ ସମେତ ସେମାନଙ୍କ କେତେକ ସହଯୋଗୀଙ୍କ ବିରୋଧରେ ସଂଗୀନ ଦଫାରେ ମାମଲା ରୁଜୁକରି ତଦନ୍ତ ଜାରି ରଖିଛି ।
ଅନ୍ୟପଟେ ଗିରଫ ଅଭିଯୁକ୍ତ, ଘଟଣାରେ ସମ୍ପୃକ୍ତ ନଥିବା ନେଇ ତାଙ୍କ ପରିବାର ପକ୍ଷରୁ କୁହାଯାଇଛି ବୋଲି ସୂଚନା ମିଳିଛି । ତେବେ ପୋଲିସ ପକ୍ଷରୁ ଏନେଇ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ।
ଭଦ୍ରକରୁ ଦେବାଶିଷ ମହାପାତ୍ର, ଇଟିିଭି ଭାରତ
