ଭଦ୍ରକ: ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ବିଜେଗଙ୍ଗାଧରପୁର ଅଞ୍ଚଳରେ ଚାଞ୍ଚଲ୍ୟ । ସୋମବାର ଏକ ବିବାହ ଭୋଜିରେ ଯୋଗଦେଇ ଫେରୁଥିବା ବେଳେ ବିଦ୍ୟାଧର ମାଝୀଙ୍କୁ ତାଙ୍କୁ ପିଟି ପିଟି ନିର୍ମମ ଭାବେ ହତ୍ୟା କରାଯାଇଛି । ବିବାହ ଭୋଜିକୁ ଆସିଥିବା ଡିଜେ ଡ୍ରାଇଭର ଆଦିତ୍ୟ ରାଉତ ହତ୍ୟା କରି ଥିବା ଜଣାପଡିଛି । ଏନେଇ ପରିବାର ଲୋକେ ଭଦ୍ରକ ଗ୍ରାମାଞ୍ଚଳ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗକୁ ଭିତ୍ତି କରି ଗ୍ରାମାଞ୍ଚଳ ପୋଲିସର ଏକ ଟିମ ତିହିଡି଼ ବ୍ଲକର ମନ୍ଦାରମାଳ ଅଞ୍ଚଳରୁ ମୁଖ୍ୟ ଅଭିଯୁକ୍ତ ଆଦିତ୍ୟ ରାଉତକୁ ଗିରଫ କରି କୋର୍ଟ ଚାଲାଣ କରିଛି । ତଦନ୍ତ ବେଳେ ଅଭିଯୁକ୍ତ ନିକଟରୁ ହତ୍ୟାକାଣ୍ଡରେ ବ୍ୟବହୃତ ହେଇଥିବା ଏକ ବାଉଁଶ ବାଡ଼ିକୁ ଜବତ କରିଛି ପୁଲିସ ।
ଏହାକୁ ନେଇ ଗ୍ରାମାଞ୍ଚଳ ପୋଲିସ ପକ୍ଷରୁ ଏକ ସାମ୍ବାଦିକ ସମ୍ମିଳନୀ କରାଯାଇ ସୂଚନା ଦେଇଛନ୍ତି ଭଦ୍ରକ ଏସଡିପିଓ ପ୍ରଭାସ ଚନ୍ଦ୍ର ପାଲ । ପୂର୍ବ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ଘଟିଥିବା ନେଇ ଭଦ୍ରକ ଏସ୍ଡ଼ିପିଓ ସୂଚନା ଦେଇଛନ୍ତି ।
ଇଟିଭି ଭାରତ, ଭଦ୍ରକ
