ଭଦ୍ରକ: ଭଦ୍ରକ ଜିଲ୍ଲା ତିହିଡି କାନପୁର ଠାରେ ଇଣ୍ଡିଆନ ଅଏଲ କମ୍ପାନୀ ପକ୍ଷରୁ ଅଫ୍ ସାଇଟ୍ ଡିଜାଷ୍ଟର ମକଡ୍ରିଲ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପାରାଦୀପରୁ ହଳଦିଆ ଦେଇ ଦୁର୍ଗାପୁର ପର୍ଯ୍ୟନ୍ତ ଲମ୍ବିଥିବା କ୍ରୁଡ ଅଏଲ ଓ ଏଲପିଜି ପାଇପ୍ ଲାଇନ୍ରେ ନିଆଁ ଲାଗିଗଲେ, ସ୍ଥାନୀୟ ଲୋକେ କିପରି ଭାବେ ରକ୍ଷା ପାଇପାରିବେ, ସେନେଇ ଏହି କାର୍ଯ୍ୟକ୍ରମ ଜରିଆରେ ସଚେତନ କରାଯାଇଥିଲା ।
ମକଡ୍ରିଲ୍ କାର୍ଯ୍ୟକ୍ରମ ଅନୁଷ୍ଠିତ
ଏଥିସହ ଏହି ପାଇପ ଲାଇନ ଯଦି କୌଣସି କାରଣରୁ ଫାଟି ଯାଇ ବିପଦ ସୃଷ୍ଟି କରିବ, ତାହେଲେ ତୁରନ୍ତ ଅଗ୍ନିଶମ ବିଭାଗକୁ ଖବର ଦେବା ପାଇଁ ପରାମର୍ଶ ଦିଆଯାଇଥିଲା । ଏହି ମକଡ୍ରିଲ୍ କାର୍ଯ୍ୟକ୍ରମରେ ଏନଡିଆରଏଫ, ଅଗ୍ନିଶମ ବାହିନୀ, ପୁଲିସ, ଇଣ୍ଡିଆନ୍ ଅଏଲ ମରାମତି ବିଭାଗର କର୍ମଚାରୀଙ୍କ ସମେତ ସ୍ଥାନୀୟ ଲୋକେ ଅଂଶଗ୍ରହଣ କରିଥିଲେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
