ଭଦ୍ରକ: ଜିଲ୍ଲାର ମଞୁରୀରୋଡ ଷ୍ଟେସନର ଷ୍ଟେସନ ମାଷ୍ଟରଙ୍କ ସମେତ ଆଉ ଦୁଇଜଣ ରେଳ କର୍ମଚାରୀ ଗିରଫ । ପ୍ରତିଦିନ ଟ୍ରେନରେ ଆସୁଥିବା ପାର୍ସଲ ଵଗିରୁ ଚୋରି କରୁଥିବା ଅଭିଯୋଗରେ ଏମାନଙ୍କୁ ଗିରଫ କରିଛି ରେଳବାଇ ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ଇଟିଭି ଭାରତ
ସୂଚନା ମୁତାବକ, ଷ୍ଟେସନ ମାଷ୍ଟର ଓ ଟ୍ରେନ ପୋଟରଙ୍କ ସମେତ ସ୍ଥାନୀୟ ଅଞ୍ଚଳର ଜଣେ ଲୋକ ମିଶି ଟ୍ରେନରେ ଆସୁଥିବା ଦାମିଦାମି ଜିନିଷକୁ ପ୍ରତିଦିନ ଚୋରୀ କରୁଥିବା ଜଣାପଡ଼ିଛି । ରେଳବାଇ ପୋଲିସ ଏନେଇ ସୂଚନାପାଇ ଏମାନଙ୍କୁ ଗିରଫ କରିଛି।
ଏହି ତିନି ଜଣ ରୀତିମତ ଚୋରି କରୁଥିବା ଅଭିଯୋଗ ବହୁ ପୂର୍ବରୁ ଆସିଥିଲା । ଘଟଣାରେ ସାମସମ ବିଶ୍ବାଳ, ଷ୍ଟେସନ ମାଷ୍ଟର କୁତବର୍ମନ ଓଝା, ସ୍ଥାନୀୟ ଅଞ୍ଚଳର ସନ୍ତୋଷ ସେନାପତିକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
