ଭଦ୍ରକ: ଦୁଇ କିନ୍ନର ଗୋଷ୍ଠୀ ମଧ୍ୟରେ ସଂଘର୍ଷ ହୋଇ ୫ ଗୁରୁତର । ଉଭୟ ଗୋଷ୍ଠୀକୁ ଘଉଡାଇବା ପାଇଁ ପୋଲିସର ଜୋରଦାର ପାଟ୍ରୋଲିଂ । ଗୁରୁତର ୫ କିନ୍ନରଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି ।
କିନ୍ନରଙ୍କ ମଧ୍ୟରେ ଗୋଷ୍ଠୀ ସଙ୍ଘର୍ଷ, ୫ ଗୁରୁତର
ସୂଚନା ଅନୁସାରେ କୌଣସି କାରଣରୁ ଗୋଟିଏ ଗୋଷ୍ଠୀର କିନ୍ନର ଅନ୍ୟ କେତେକ କିନ୍ନରଙ୍କୁ ଆକ୍ରମଣ କରିଥିଲେ । ଏନେଇ ଗୋଟେ ପକ୍ଷ ଭଦ୍ରକ ଟାଉନ ଥାନାରେ ଏତଲା ଦେବାପରେ ପୋଲିସ ୪ ଜଣଙ୍କୁ ଥାନାରେ ଅଟକ ରଖିଥିଲା । ଏହାପରେ ଅପର ପକ୍ଷର କେତେକ କିନ୍ନରଙ୍କ ସହ ଜିଲ୍ଲା ବାହାରର କିନ୍ନର ମାନେ ଏକାଠି ହୋଇ ଟାଉନ ଥାନା ସମ୍ମୁଖରେ ହୋହଲ୍ଲା କରିଥିଲେ । ତେବେ ଗୋଟିଏ ଗୋଷ୍ଠୀର ଶତାଧିକ କିନ୍ନର ଚରମ୍ପା ଅଞ୍ଚଳର ଏକ ହୋଟେଲରେ ରହିଥିଲେ । ତେବେ ସେହି ହୋଟେଲରେ ଅନ୍ୟ ଗୋଷ୍ଠୀର ଆକ୍ରମଣ ଫଳରେ ୫ ଜଣ ଗୁରୁତର ହେବା ସହ ବ୍ୟାପକ ଭଙ୍ଗାରୁଜା ହୋଇଛି ।
ଇଟିଭି ଭାରତ, ଭଦ୍ରକ
