ଭଦ୍ରକ: ବିପୁଳ ପରିମାଣର ବିଦେଶୀ ମଦ ଜବତ । ଏହାସହ 3 ଜଣଙ୍କୁ ଗିରଫ କରିଛି ଭଦ୍ରକ ଗ୍ରାମାଞ୍ଚଳ ପୋଲିସ । ଜବତ ମଦର ମୂଲ୍ୟ 4 ଲକ୍ଷ ଟଙ୍କାରୁ ଉର୍ଦ୍ଧ୍ଵ ବୋଲି ଜଣାପଡିଛି। ମଙ୍ଗଳବାର ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ଦ୍ଵାରା ଏହି ବେଆଇନ ବିଦେଶୀ ମଦ ଜବତ କରାଯାଇଛି ।
ଖବର ଅନୁଯାୟୀ ଏକ ବିଶ୍ବସ୍ତ ସୂତ୍ରରୁ ଖବର ପାଇ ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ସାମୁରଇପୁର ଅଞ୍ଚଳରେ ଥିବା ଏକ ଘର ଉପରେ ଚଢାଉ କରିଥିଲା । ଏହି ଚଢାଉ ସମୟରେ ସେଠାରେ ବେଆଇନ ଭାବେ ଗଚ୍ଛିତ ଥିବା ବିପୁଳ ପରିମାଣର ବିଦେଶୀ ମଦ ଜବତ କରିବା ସହ 3 ଜଣଙ୍କୁ ଗିରଫ କରିଛି ପୋଲିସ ।
ଗିରଫ ହୋଇଥିବା 3 ଜଣ ଯୁବକ ଭଦ୍ରକ ଅଞ୍ଚଳର ଅରୁଣ ସିଅଲ, ରବିନ୍ଦ୍ର ସାହୁ ଓ ଦୀପକ ବେହେରା ବୋଲି ସୂଚନା ମିଳିଛି। ଜବତ ହୋଇଥିବା ଏହି ବିଦେଶୀ ମଦର ଆନୁମାନିକ ବଜାର ମୂଲ୍ୟ 4 ଲକ୍ଷ ଟଙ୍କାରୁ ଉର୍ଦ୍ଧ୍ଵ ବୋଲି ଜଣାପଡିଛି । ତେବେ ଏ ସମ୍ପର୍କରେ ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।
ଭଦ୍ରକରୁ ଦେବାଶିଷ ମହାପାତ୍ର , ଇଟିଭି ଭାରତ
