ଭଦ୍ରକ: ଆଞ୍ଚ ନିଆଁରୁ ଭୟଙ୍କର ଅଗ୍ନିକାଣ୍ଡ । ଚାହୁଁ ଚାହୁଁ ଜଳି ପୋଡି ପାଉଁଶ ହୋଇଗଲା 6ଟି ଦୋକାନ । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଅଧିନସ୍ଥ ସାତଭଉଣୀ ଛକ ନିକଟରେ । ଦୋକାନର ଆଞ୍ଚରୁ ନିଆଁ ବ୍ୟାପିଥିବା ସୂଚନା ମିଳିଛି । ପ୍ରଥମେ ମିଠା ଦୋକାନ ଆଞ୍ଚରୁ ନିଆଁ ହୁଳା ଉଡି ପାଖ ଦୋକାନରେ ଲାଗିଥିଲା ।ଏହାପରେ ଗୋଟଏ ପାଖରେ ଗୋଟିଏ ପରେ ଗୋଟିଏ ଦୋକାନ ଜଳି ଯାଇଥିଲା ।
ଆଞ୍ଚ ନିଆଁରୁ ଭୟଙ୍କର ଅଗ୍ନିକାଣ୍ଡ , ଜଳିଗଲା ୬ଟି ଦୋକାନ
ଅଗ୍ନିକାଣ୍ଡରେ ମିଠା ଦୋକାନ ସହ ଗ୍ୟାରେଜ, ପାନ ଦୋକାନ, ସାର ଦୋକାନ ଓ ଭେରାଇଟି ଷ୍ଟୋରରେ ଥିବା ଲକ୍ଷାଧିକ ଟଙ୍କାର ସମ୍ପତ୍ତି ସମ୍ପୂର୍ଣ୍ଣ ଜଳି ପୋଡି ପାଉଁଶ ହୋଇଯାଇଛି । ସ୍ଥାନୀୟ ଲୋକେ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ ମଧ୍ୟ ନିଆଁ ଆୟତ୍ତ ହୋଇନଥିଲା । ପରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
