ଭଦ୍ରକ: ଜିଲ୍ଲାର ଚରମ୍ପା ବରାଳ ପୋଖରୀ ଗାଁରେ ହୋଇଥିବା ଭୟାବହ ଅଗ୍ନିକାଣ୍ଡରେ 6 ବଖରା ଘର ଜଳି ଯାଇଛି । ଭଦ୍ରକ ମୁନିସିପାଲଟି ଅଧିନସ୍ଥ 2 ନମ୍ବର ଓ୍ବାର୍ଡ ଚରମ୍ପା ବରାଳ ପୋଖରୀ ଗାଁରେ ଏହି ଅଗ୍ନିକାଣ୍ଡ ଘଟିଛି । ଏଥିରେ ପୂର୍ବତନ କାଉନସିଲର ବିଜୟ ପ୍ରଧାନଙ୍କ 6 ବଖରା ଘର ସମ୍ପୂର୍ଣ୍ଣ ଭସ୍ମୀଭୂତ ହେବା ସହ ଘରର ଆସବାବପତ୍ର, ଘରକରଣା ଜିନିଷ, ଟଙ୍କା, ଧାନଚାଉଳ, ଲୁଗାପଟା, ଅଳଙ୍କାର ଆଦି ଲକ୍ଷାଧିକ ଟଙ୍କାର ସମ୍ପତ୍ତି ପୋଡିଯାଇଛି । ଅଗ୍ନିକାଣ୍ଡ ପରେ ଗ୍ରାମବାସୀ ଓ ଦମକଳ ବାହିନୀ ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡର କାରଣ ଜଣାପଡିନାହିଁ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
