ଭଦ୍ରକ: ଜିଲ୍ଲାର ସହରାଞ୍ଚଳ ଥାନା ପକ୍ଷରୁ ମଠସାହିରେ ନକଲି ଜର୍ଦ୍ଦା ଜବତ । ଜର୍ଦ୍ଦା ତିଆରି ହେଉଥିବା ଏକ ଘରେ ରବିବାର ଚଢାଉ କରିଥିଲା ପୋଲିସ। ଏହି ସମୟରେ ବିପୁଳ ପରିମାଣରେ ନକଲି ଜର୍ଦ୍ଦା ସହ ବିଭିନ୍ନ ନାମିଦାମୀ କମ୍ପାନୀର ଲୋଗୋ ଓ ଡବା ଜବତ ହୋଇଛି। ତେବେ ପୋଲିସକୁ ଦେଖି ଘଟଣାସ୍ଥଳରୁ ଚମ୍ପଟ ମାରିଛନ୍ତି ଅଭିଯୁକ୍ତ।
ପୋଲିସକୁ ଦେଖି ଘଟଣାସ୍ଥଳରୁ ଅଭିଯୁକ୍ତ ଚମ୍ପଟ ମାରିଥିଲେ। ପ୍ରାୟ ଲକ୍ଷାଧିକ ଟଙ୍କାର ନକଲି ଜର୍ଦ୍ଦା ଜବତ ହୋଇଥିବା ଜଣାପଡିଛି। ପୁରୁଣାବଜାର ଥାନା ଅଞ୍ଚଳରୁ ପ୍ରତ୍ୟେକ ଦିନ ନକଲି ଜର୍ଦ୍ଦା ଧରାପଡୁଥିବା ବେଳେ, ଏବେ ସହରାଞ୍ଚଳ ଥାନା ଅଞ୍ଚଳରୁ ନକଲି ଜର୍ଦ୍ଦା ଜବତ ହୋଇଛି।
ଭଦ୍ରକରେ ବିପୁଳ ପରିମାଣର ନକଲି ଜର୍ଦ୍ଦା ଜବତ, ଅଭିଯୁକ୍ତ ଫେରାର
ରବିବାର ପୁରୁଣାବଜାର ଅଞ୍ଚଳରୁ ନକଲି ଜର୍ଦ୍ଦା କାରଖାନାରେ ଚଢାଉ ବେଳେ ପୋଲିସ ଓ ସାମ୍ବାଦିକଙ୍କୁ ଆକ୍ରମଣ କରିଥିଲେ ଜର୍ଦ୍ଦା ମାଫିଆ। ପୋଲିସ ଯେତେ ଚଢାଉ ଓ ଗିରଫ କଲେ ମଧ୍ୟ ମାଷ୍ଟରମାଇଣ୍ଡ ଏବେବି ପୋଲିସ ପଞ୍ଝାକୁ ଆସିପାରିନାହିଁ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
