ପୋଖରୀରେ ବୁଡି ଶିଶୁକନ୍ୟା ମୃତ

ଗାଁ ଦାଣ୍ଡରେ ଖେଳୁଥିବା ବେଳେ ପୋଖରୀରେ ବୁଡି ଶିଶୁକନ୍ୟା ମୃତ। ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଚଡଦିଆରେ ଗାଁରେ ଘଟିଛି ଏଭଳି ଦୁଃଖଦ ଘଟଣା ।

ଭଦ୍ରକ: ପୋଖରୀରେ ବୁଡି ଦୁଇ ବର୍ଷର ଶିଶୁକନ୍ୟା ମୃତ। ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଚଡଦିଆ ଗାଁର ଘଟଣା । ଗାଁର ଗଣେଶ ଜେନାଙ୍କ ଝିଅ ଦେବଶ୍ରୀ ଜେନା ଗାଁ ଦାଣ୍ଡରେ ପିଲାଙ୍କ ସହିତ ଖେଳୁଥିଲା।

ଏହି ସମୟରେ ନିକଟରେ ଥିବା ଏକ ପୋଖରୀରେ ଅସାବଧାନତା ଯୋଗୁଁ ପଡିଯାଇଥିଲା। ତୁରନ୍ତ ଗାଁ ଲୋକେ ତାଙ୍କୁ ପୋଖରୀରୁ ଉଦ୍ଧାର କରି ନିକଟସ୍ଥ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ। ହେଲେ ଡାକ୍ତର ସେଠାର ତାଙ୍କୁ ମୃତ ଘୋଷଣା କରିଥିଲେ ।

ଭଦ୍ରକରୁ ଦେବାଶିଷ ମହାପାତ୍ର,ଇଟିଭି ଭାରତ