ଭଦ୍ରକ: କୋଭିଡ-19 ଗାଇଡଲାଇନ ଅନୁଯାୟୀ କାର୍ଯ୍ୟ ହେଉଛି କି ନାହିଁ ତାହା ଜାଣିବାକୁ ଜିଲ୍ଲା ପ୍ରଶାସନ ପକ୍ଷରୁ ଆରମ୍ଭ ହୋଇଛି ଯାଞ୍ଚ । ଏନେଇ ଏକ ସ୍ବତନ୍ତ୍ର ସ୍କ୍ବାର୍ଡ ଗଠନ କରାଯାଇଛି । ଏହି କ୍ରମରେ ଶୁକ୍ରବାର ଭଦ୍ରକ ଜିଲ୍ଲାରେ ଥିବା ବିଭିନ୍ନ ନର୍ସିଂହୋମ ଗୁଡିକରେ ଅତର୍କିତ ଚଡାଉ କରାଯାଇଛି ।
କୋଭିଡ-19 ଗାଇଡଲାଇନ ଚେକିଂ ନେଇ ନର୍ସିଂହୋମରେ ଜିଲ୍ଲା ପ୍ରଶାସନର ଚଢାଉ
ମିଳିଥିବା ସୂଚନାନୁସାରେ, ଚଢାଉ ହୋଇଥିବା ଅଧିକାଂଶ ନର୍ସିଂହୋମରେ କୋଭିଡ-19 ଗାଇଡଲାଇନ ନିୟମ ପାଳନ କରାଯାଉନାହିଁ । ତେବେ ସରକାରଙ୍କ ନିର୍ଦ୍ଦେଶରେ ଏହି ଚଢାଉ ହୋଇଥିବା ବେଳେ ନିୟମ ମାନୁନଥିବା ନର୍ସିଂହୋମ ଉପରେ କାର୍ଯ୍ୟାନୁଷ୍ଠାନ ନିଆଯିବ । ସେପଟେ ଏନେଇ ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ ପାଇନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
