ଭଦ୍ରକ: ଗେଷ୍ଟ ହାଉସରୁ ଯୁବକଯୁବତୀଙ୍କ ମୃତହେହ ଉଦ୍ଧାର । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲାରେ । ତେବେ ଯୁବକ ଜଣକ ଭଦ୍ରକ ପୌରାଞ୍ଚଳ ଅନ୍ତର୍ଗତ ମୁଲ୍ଲାସାହି ଅଞ୍ଚଳର ମୁଲ୍ଲା ମହମ୍ମଦ ଅବଦୁଲ ବୋଲି ଜଣାପଡିଥିବା ବେଳେ ଯୁବତୀଙ୍କ ପରିଚୟ ମିଳିପାରିନାହିଁ ।
ସୂଚନା ଅନୁଯାୟୀ,ସୋମବାର ଗେଷ୍ଟ ହାଉସର କିଛି କର୍ମଚାରୀ ଏକ ରୁମ୍ରୁ ଚିତ୍କାର ଶୁଣି ଗେଷ୍ଟ ହାଉସ ମାଲିକଙ୍କୁ ଖବର ଦେଇଥିଲେ । ଏହାପରେ କର୍ମଚାରୀ ଏବଂ ମାଲିକ ମିଶି ଉକ୍ତ ରୁମର ଡୋର ବାଡେଇଥିଲେ । କବାଟ ନଖୋଲିବାରୁ ସମସ୍ତଙ୍କ ସନ୍ଦେହ ବଢିଥିଲା । ଏହାପରେ ମାଲିକଙ୍କ ଅନୁମତିରେ କର୍ମଚାରୀମାନେ ଡୋର ଭାଙ୍ଗିବାପରେ ଉକ୍ତ ରୁମରୁ ଯୁବକଯୁବତୀଙ୍କ ମୃତହେହ ପଡିଥିବାର ଦେଖି ମାଲିକ ପୋଲିସ ଖବର ଦେଇଥିଲେ ।
ଏହାପରେ ପୋଲିସ ଖବର ପାଇ ଘଟଣା ସ୍ଥଳରେ ପହଁଞ୍ଚି ଶବ ବ୍ୟବଚ୍ଛେଦ ପାଇଁ ଭଦ୍ରକ ମୁଖ୍ୟ ଚିକିତ୍ସାଳୟକୁ ନେଇଥିଲେ । ତେବେ ପୋଷ୍ଟମର୍ଟମ ରିପୋର୍ଟ ଆସିବା ପରେ ଘଟଣାର ପ୍ରକୃତ କାରଣ ସ୍ପଷ୍ଟ ହେବ ।
ଭଦ୍ରକରୁ ଦେବାଶିଷ୍ ମହାପାତ୍ର, ଇଟିଭି ଭାରତ
