ଭଦ୍ରକ: ବାରମ୍ବାର ଅଘୋଷିତ ବିଦ୍ୟୁତ କାଟକୁ ନେଇ ତାତିଲେ ଉପଭୋକ୍ତା । ବିଦ୍ୟୁତ ବିଭାଗର ଜେଇ ଓ ଏସଡ଼ିଓଙ୍କ ଏଭଳି ମନମାନିକୁ ବିରୋଧ କରି ବିଦ୍ୟୁତ କାର୍ଯ୍ୟାଳୟ ଘେରିଲେ ଶତାଧିକ ଉପଭୋକ୍ତା । ଏ ଦୃଶ୍ୟ ହେଉଛି ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ବିଦେଇପୁର ଷ୍ଟ୍ରକ୍ଚରର ।
ଅଘୋଷିତ ବିଦ୍ୟୁତ କାଟକୁ ନେଇ ବିଦ୍ୟୁତ କାର୍ଯ୍ୟାଳୟ ଘେରିଲେ ଉପଭୋକ୍ତା
ଷ୍ଟ୍ରକ୍ଚରର ଆଖପାଖ ଅଞ୍ଚଳର ଲୋକମାନେ ଦୀର୍ଘ ସମୟ ହେବ ଲୋ ଭୋଲଟେଜ ସମସ୍ୟାର ସମ୍ମୁଖିନ ହେଉଛନ୍ତି । ଏଥି ସହିତ ଅଘୋଷିତ ବିଦ୍ୟୁତ କାଟ ପାଇଁ ଦୀର୍ଘ ଦିନ ଧରି ଅନ୍ଧାରରେ ମଧ୍ୟ ସେମାନଙ୍କୁ ରହିବାକୁ ପଡିଥାଏ । ବାରମ୍ବାର ଏ ସମ୍ପର୍କରେ ସ୍ଥାନୀୟ ଏସଡ଼ିଓଙ୍କୁ ଜଣାଇଲେ ସୁଦ୍ଧା ଏହାର କୌଣସି ସମାଧାନ ହୋଇପାରିନଥିଲା । ଶେଷରେ ବାଧ୍ୟ ହୋଇ ବିଦ୍ୟୁତ ଷ୍ଟ୍ରକ୍ଚରକୁ ଶତାଧିକ ଉପଭୋକ୍ତାମାନେ ଘେରାଉ କରିଥିଲେ । ସେପଟେ ଏନେଇ ବିଭାଗୀୟ ଅଧିକାରୀ କୌଣସି ପ୍ରତିକ୍ରିୟା ପ୍ରକାଶ କରିନାହାନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
