ଭଦ୍ରକ : କେନ୍ଦ୍ର ସରକାର ଉପରେ ବର୍ଷିଲା ଭଦ୍ରକ କଂଗ୍ରେସ। ଭାରତ ଯୋଡ ଯାତ୍ରା ପରିପ୍ରେକ୍ଷୀରେ ଆଦାନୀ ଗ୍ରୁପ ସମୂହକୁ ରାହୁଲ ଗାନ୍ଧୀ ଯାହା କହିଥିଲେ ତାହା ସତ୍ୟ ହେବାକୁ ଯାଉଛି ବୋଲି କହିଛି କଂଗ୍ରେସ। ଭଦ୍ରକ ଜିଲ୍ଲା ଷ୍ଟେଟ ବ୍ୟାଙ୍କ ମୁଖ୍ୟ ଶାଖା ସମ୍ମୁଖରେ ଆଜି କଂଗ୍ରେସ ଦଳ ପକ୍ଷରୁ ଜିଲ୍ଲା କଂଗ୍ରେସ କମିଟି ସଭାପତି ସୁବ୍ରତ କୁମାର ଦାସ ଙ୍କ ନେତୃତ୍ବରେ ଏକ ଗଣ ବିକ୍ଷୋଭ ଏବଂ ପ୍ରତିବାଦ ସଭା ଅନୁଷ୍ଠିତ ହୋଇଥିଲା। ଆଦାନୀ ଗ୍ରୁପ ସମୂହ ର ଅଂଶଧନ ଦିନକୁଦିନ ହ୍ରାସ ପାଇବାରେ ଲାଗିଛି। ଫଳରେ ଗରିବ ଏବଂ ଖଟିଖିଆ ମାନେ ଏଥିରେ ବ୍ୟାପକ ଭାବେ ପ୍ରଭାବିତ ହେବା ନେଇ ଆଶଙ୍କା ପ୍ରକାଶ କରିଛି କଂଗ୍ରେସ । ଏହିପରି ହେଲେ ରାଜ୍ଯ ତଥା ଦେଶର ଅର୍ଥନୈତିକ ଅବସ୍ଥା ଶୋଚନୀୟ ହୋଇପଡ଼ିବା ସହ ଅରାଜକତା ସୃଷ୍ଟି ହେବା ନେଇ ଆଶଙ୍କା ପ୍ରକାଶ ପାଉଛି ବୋଲି କଂଗ୍ରେସ ଦଳ ପକ୍ଷରୁ କୁହାଯାଇଛି।
ତେବେ କେନ୍ଦ୍ରର ନରେନ୍ଦ୍ର ମୋଦୀ ସରକାର ଅତ୍ଯଧିକ ଅନୁକମ୍ପା ଆଦାନୀ ଗ୍ରୁପ ସମୂହ କୁ ଦେଖାଇ, କାହିଁକି ଭାରତୀୟ ଜୀବନ ବୀମା ନିଗମ ଏବଂ ଭାରତୀୟ ଷ୍ଟେଟ ବ୍ୟାଙ୍କ ପରି ବିଶ୍ୱସନୀୟ ସଂସ୍ଥା ରୁ ଲକ୍ଷ ଲକ୍ଷ ଟଙ୍କା କୋଟି ଟଙ୍କା ର ପୁଞ୍ଜି ଆଦାନୀ ଗ୍ରୁପ ସମୂହକୁ ପ୍ରଦାନ କରିଥିଲେ ବୋଲି ପ୍ରଶ୍ନ କରିଛନ୍ତି କଂଗ୍ରେସ ଦଳ ର ବରିଷ୍ଠ ନେତା ମାନେ। ତେଣୁ ଆଦାନୀ ଗ୍ରୁପ ସମୂହ ର ଷ୍ଟକ ଜାଲିଆତି ପ୍ରତିବାଦ ରେ (JPC) ଯଏଣ୍ଟ ପାର୍ଲିଆମେଣ୍ଟ କମିଟି ଦ୍ବାରା ତଦନ୍ତ କରାଯିବା ଦାବି କରିଛନ୍ତି କଂଗ୍ରେସ ଦଳ ର ବରିଷ୍ଠ ନେତା ମାନେ। ତେବେ ଏହି ଘଟଣା ଯୋଗୁଁ କେନ୍ଦ୍ରର ନରେନ୍ଦ୍ର ମୋଦୀ ସରକାର ପତନ ଘଟିବ ବୋଲି କହିଥିଲେ କଂଗ୍ରେସ ନେତୃତ୍ଵ ମାନେ। ଏହି କାର୍ଯ୍ୟକ୍ରମରେ ଜିଲ୍ଲା ର ସମସ୍ତ ବ୍ଲକ ର କଂଗ୍ରେସ ନେତୃତ୍ୱ ତଥା କର୍ମୀ ମାନେ ଉପସ୍ଥିତ ଥିଲେ।
