ଭୁବନେଶ୍ବର: ଧାମନଗର ଉପନିର୍ବାଚନ ନଭେମ୍ବର 3 ତାରିଖରେ ହେବାକୁ ଯାଉଛି । ସମୟ ଯେତିକି ପାଖଉଛି, ବିଭିନ୍ନ ଦଳର ପ୍ରାର୍ଥୀ ଘୋଷଣାକୁ ନେଇ ଲାଗି ରହିଥିବା ଚର୍ଚ୍ଚା ମଧ୍ୟ ବଢିବାରେ ଲାଗିଛି । ତେବେ ଏହି ଉପନିର୍ବାଚନରେ ପ୍ରତିଦ୍ବନ୍ଦ୍ବିତା କରିବା ପାଇଁ ପରୋକ୍ଷରେ ଆଗ୍ରହ ପ୍ରକାଶ କରିଛନ୍ତି ବରିଷ୍ଠ କଂଗ୍ରେସ ନେତା ଅନନ୍ତ ସେଠୀ (congress leader Ananta sethi)। ତାଙ୍କ ଝିଅ ମଧୁସ୍ମିତାଙ୍କ ନାମ ମଧ୍ୟ ଚର୍ଚ୍ଚାରେ ରହିଛି । ନିଜ ନାମକୁ ନେଇ ଲାଗି ରହିଥିବା ଚର୍ଚ୍ଚାରେ ଅନନ୍ତ କହିଛନ୍ତି, ସେ ସେଠାରୁ ପ୍ରତିନିଧିତ୍ବ କରିିଥିଲେ, ଲୋକଙ୍କ ସାଙ୍ଗରେ ରହିଥିଲେ । ଲୋକଙ୍କର ତାଙ୍କ ଠାରେ ଭରସା ରହିଛି, ତେଣୁ ତାଙ୍କ ନାମ ଚର୍ଚ୍ଚାକୁ ଆସିଛି (Ananta sethi interested for Dhamnagar by poll)।
ଅନନ୍ତ କହିଛନ୍ତି, "ମୋର ବିଶ୍ୱାସ ସେଠାରେ ଆମେ ଭଲ ଭାବରେ ଲଢି ପାରିବୁ । ମୋ ନାମ ଯଦି ଚର୍ଚ୍ଚା ହେଉଛି, ତେବେ ମୋ ଉପରେ ଲୋକଙ୍କ ଭରସା ଓ ବିଶ୍ୱାସ ଅଛି । ମୁଁ ସେଠାରେ ଲୋକସଭା ସଦସ୍ୟ ଥିଲି । ସଂଗଠନ ପାଇଁ ମଧ୍ୟ କାର୍ଯ୍ୟ କରିଛି । ଲୋକଙ୍କ ସୁଖ ଦୁଃଖରେ ସହ ସହଭାଗୀ ଥିଲି । ତେଣୁ ମୋ ନାମ ଚର୍ଚ୍ଚା ହେବା ସ୍ବାଭାବିକ ।’’
