ଭଦ୍ରକ: ବୋଲେରୋ ହାଇୱା ମୁହାଁମୁହିଁ ଧକ୍କାରେ ଦୁଇ ମହିଳାଙ୍କ ସମେତ ଚାରି ଜଣ ଗୁରୁତର ଆହତ ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଆରଡି ଛକଠାରେ ।
ସୂଚନା ଅନୁଯାୟୀ, ବୁଧବାର ଏକ ଵୋଲେରୋ ଗାଡିରେ ତିହିଡି ବ୍ଲକ ଝିଙ୍କିରିଆ ଅଞ୍ଚଳର କିଛି ଲୋକ ଭୁବନେଶ୍ବରର ଅଭିମୁଖେ ଯାଉଥିଲେ । ତେବେ ଭଦ୍ରକ ଆରଡି ଛକ ନିକଟରେ ଏକ ହାଇୱା ଦ୍ରୁତ ଗତିରେ ଆସି ଵୋଲେରୋ ଗାଡିଟିକୁ ଧକ୍କା ଦେଇଥିଲା । ଫଳରେ ଏହି ଘଟଣାରେ ଦୁଇ ମହିଳାଙ୍କ ସମେତ ଚାରି ଜଣ ଗୁରୁତର ଆହତ ହୋଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ଏହି ଘଟଣା ପରେ ସମସ୍ତ ଗୁରୁତରଙ୍କୁ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ ଦୁଇ ଜଣଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
