ଭଦ୍ରକ: ଜିଲ୍ଲାସ୍ଥିତ ଚାନ୍ଦବାଲି ବ୍ଲକ ତହସିଲ ସମ୍ମୁଖରେ ପ୍ରତିବାଦ କରାଯିବା ସହ ବ୍ଲକ ବିଧାୟକ ବ୍ୟୋମକେଶ ରାଏଙ୍କ କୁଶ ପୁତ୍ତଳିକା ଦାହ କରାଯାଇଛି । ଜଣେ କର୍ତ୍ତବ୍ୟରତ ଏଏସଆଇଙ୍କୁ ବିଧାୟକ ଧମକ ଦେବା ପ୍ରତିବାଦରେ ବିଜେପି ପକ୍ଷରୁ ଏପରି ବିକ୍ଷୋଭ ପ୍ରଦର୍ଶନ କରାଯାଇଛି ।
ଚାନ୍ଦବାଲି ବିଧାୟକଙ୍କ ଗିରଫଦାରୀ ଦାବିରେ ବିଜେପିର ବିକ୍ଷୋଭ
ସୂଚନା ଅନୁଯାୟୀ ଅନୁଯାୟୀ ବାଂଶଡ଼ା ଥାନାର ଜଣେ କର୍ତ୍ତବ୍ୟରତ ପୋଲିସ ଅଧିକାରୀ ଗୁରୁଚରଣ ବେହେରାଙ୍କୁ ଚାନ୍ଦବାଲି ବିଧାୟକ ବ୍ୟୋମକେଶ ରାଏ ଏକ ରାଜନୈତିକ ସଂଘର୍ଷରେ ଘଟଣା ଚପାଇଦେବା ପାଇଁ ମୋବାଇଲ ମାଧ୍ୟମରେ ନିର୍ଦ୍ଦେଶ ଦେଇଥିଲେ । ଯଦି ଏପରି ନ କରନ୍ତି ତେବେ ତାଙ୍କୁ ଅନତ୍ର ବଦଳି କରିଦେବେ ବୋଲି ବିଧାୟକ ଧମକ ଦେଇଥିଲା । ମାମଲାର ଅଡିଓ କଲ୍ ଭାଇରାଲ୍ ହେବା ପରେ ବିଜେପି ତୀବ୍ର ନିନ୍ଦା କରିବା ସହ ବିଧାୟକଙ୍କ କୁଶ ପୁତ୍ତଳିକା ଦାହ କରିଛି ।
ଏଥିସହ ବିଧାୟକଙ୍କ ଗିରଫ ଦାବି କରି ବିଜେପି ତହସିଲଦାରଙ୍କ ଜରିଆରେ ରାଜ୍ୟପାଳଙ୍କ ନିକଟକୁ ଏକ ଦାବି ପତ୍ର ପ୍ରଦାନ କରିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
