ଭଦ୍ରକ: ଜିଲ୍ଲା ଚାନ୍ଦବାଲି ଏନଏସି ପଞ୍ଚପଡାରେ ବିଜେଡି ଦଳ ପକ୍ଷରୁ ଏକ ମେଗା ମିଶ୍ରଣ ପର୍ବ ଅନୁଷ୍ଠିତ ହୋଇଛି । ଏଥିରେ ଅନ୍ୟଦଳରୁ ପ୍ରାୟ 45ରୁ ଅଧିକ ନେତା ବିଜୁ ଜନତା ଦଳରେ ସାମିଲ ହୋଇଛନ୍ତି ।
ମୁ୍ଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କ ନିତି ଆଦର୍ଶ ଓ ଚାନ୍ଦବାଲି ବିଧାୟକ ବ୍ୟୋମକେଶ ରାଏଙ୍କ ଉପରେ ଆସ୍ଥା ପ୍ରକଟ କରି ବିଧିବଦ୍ଧ ଭାବେ ବିଜେଡ଼ି ଦଳରେ ସାମିଲ ହୋଇଛନ୍ତି ଅନେକ ନେତା । ଏ ନେଇ ଦଳକୁ ଆସିଥିବା ସମସ୍ତ ନେତାଙ୍କୁ ଚାନ୍ଦବାଲି ବିଧାୟକ ସ୍ବାଗତ କରିଛନ୍ତି । ଏହା ପୂର୍ବରୁ ଘଟପୁରଠାରେ ମଧ୍ୟ ମିଶ୍ରଣ ପର୍ବ ଆୟୋଜିତ ହୋଇଥିଲା । ଏଥିରେ ଅନେକ ନେତା ବିଜୁ ଜନତା ଦଳରେ ସାମିଲ ହୋଇଥିଲେ ।
ନେତାମାନଙ୍କ ମିଶ୍ରଣ ପର୍ବରେ ଆଗାମୀ ଦିନରେ ବିଜୁ ଜନତା ଦଳ ସୃଦୁଢ ହେବ । ଏହା ସହିତ ଆଗାମି ଏମଏସି ପଞ୍ଚାୟତ ନିର୍ବାଚନରେ ଦଳ ଦଳ ତାର ଶକ୍ତି ପ୍ରର୍ଦଶନ କରିବ ବୋଲି କହିଛନ୍ତି ଚାନ୍ଦବାଲି ବିଧାୟକ ବ୍ୟୋମକେଶ ରାଏ । ଏହି ମିଶ୍ରଣ ପର୍ବରେ ବିଜେଡ଼ିର ବରିଷ୍ଠ ନେତା ପ୍ରତାପ ଧଳ, ଖଗେଶ୍ବର ବଳ, ପଦ୍ମଲୋଚନ ଦାସ, ଶରତ ସାହୁ, ନରେଶ ମାଝୀ ପ୍ରମୁଖ ଯୋଗ ଦେଇଥିଲେ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
