ଭଦ୍ରକ: ପ୍ରଧାନମନ୍ତ୍ରୀ ଆବାସକୁ ନେଇ ଧାରୁଆ ଅସ୍ତ୍ରରେ ଆକ୍ରମଣ । ବଡ ଭାଇକୁ ବଞ୍ଚାଇବା ଯାଇ ସାନ ଭାଇ ଗୁରୁତର। ଘଟଣା ଘଟିଛି ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଇଛାପୂର ଅଞ୍ଚଳରେ।
ରାଜନୈତିକ ଶତ୍ରୁତାରୁ ଧାରୁଆ ଅସ୍ତ୍ରରେ ଆକ୍ରମଣ
ସୂଚନା ଅନୁଯାୟୀ, ସ୍ଥାନୀୟ ବରାଙ୍ଗ ପଲେଇସାହୀ ଗାଁ ର ଉପେନ୍ଦ୍ର ପଲେଇଙ୍କ ସହ ସେହି ଗାଁର ଶ୍ୟାମସୁନ୍ଦର ନାୟକଙ୍କ ମଧ୍ୟରେ ପ୍ରଧାନମନ୍ତ୍ରୀ ଆବାସକୁ ନେଇ ଝଗଡା ହୋଇଥିଲା। ଉପେନ୍ଦ୍ର ଇଛାପୂର ବଜାରରେ ଭାଇଙ୍କ ଦୋକାନରେ ଥିବା ବେଳେ ଶ୍ୟାମସୁନ୍ଦର ତାଙ୍କୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରିବାକୁ ଉଦ୍ୟମ କରିଥିଲେ । ସେହି ସମୟରେ ଉପେନ୍ଦ୍ରଙ୍କ ସାନ ଭାଇ ଉଜ୍ଵଳ ତାଙ୍କୁ ଅଟକାଇଥିଲେ ଆଉ ହୋଇଥିଲେ ଗୁରୁତର ।
ତେବେ ଉଜ୍ଵଳଙ୍କୁ ଗୁରୁତର ଅବସ୍ଥାରେ ଭଦ୍ରକ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଅନ୍ୟପକ୍ଷରେ ଅଭିଯୁକ୍ତକୁ ଗ୍ରାମାଞ୍ଚଳ ପୋଲିସ ଅଟକ ରଖିଥିବା ସୂଚନା ମିଳିଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
