ଭଦ୍ରକ: ନଦୀରେ ଭାସିଯାଇ ଯୁବକ ନିଖୋଜ । ଭଦ୍ରକ ବରଦା ସ୍ଥିତ ସାଳନ୍ଦୀ ନଦୀରେ ଶୁକ୍ରବାର ଏଭଳି ଏକ ଅଘଟଣ ଘଟଛି । ଜଣେ ଯୁବକ ନଦୀରେ ଗାଧୋଉଥିବା ବେଳେ ଅସାବଧାନତା ହେତୁ ନଦୀ ସ୍ରୋତରେ ଭାସି ଯାଇଛନ୍ତି । ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଖୋଜାଖୋଜି ଜାରି ରଖିଛି ।
ସୂଚନା ଅନୁଯାୟୀ, ଭଦ୍ରକ ପୁରୁଣାବଜାର ୟୁସୁଫପୁର ଅଞ୍ଚଳର ଜଣେ ଯୁବକ ସାଙ୍ଗମାନଙ୍କ ସହିତ ବରଦା ସ୍ଥିତ ପିରବାବାଙ୍କ ଦର୍ଶନ ପାଇଁ ଯାଇଥିଲେ । ସେଠାରେ ବାବାଙ୍କ ଦର୍ଶନ ପୂର୍ବରୁ ସାଙ୍ଗମାନଙ୍କ ସହ ନିକଟରେ ଥିବା ସାଳନ୍ଦୀ ନଦୀରେ ଗାଧୋଉଥିବା ବେଳେ ଅସାବଧାନତା ହେତୁ ତାଙ୍କ ଗୋଡ଼ ଖସି ଯାଇଥିଲା । ସେ ନଦୀ ସ୍ରୋତରେ ଭାସି ଯାଇଥିଲେ । ଘଟଣା ସଂପର୍କରେ ଖବର ପାଇ ଦମକାଳ ବାହିନୀ ପହଞ୍ଚି ନିଖୋଜ ଯୁବକଙ୍କୁ ଖୋଜାଖୋଜି କରୁଛି । ହେଲେ ଏ ଯାଏଁ ବି ଯୁବକଙ୍କ କୌଣସି ସନ୍ଧାନ ମିଳି ନ ଥିବା ଜଣାପଡ଼ିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
