ବରଗଡ: ବିଜେପୁର ଉପନିର୍ବାଚନ ପୂର୍ବରୁ ବିଜେପି ଛାଡିଲେ ଅଶୋକ ପାଣିଗ୍ରାହୀ । ୨୦୧୮ ଉପନିର୍ବାଚନରେ ବିଜେଡି ଦଳ ଛାଡି ବିଜେପିରେ ଯୋଗଦାନ କରିଥିବା ଅଶୋକ ପାଣିଗ୍ରାହୀ ବିଜେପି ଛାଡି ପୁଣି ଚର୍ଚ୍ଚାରେ ରହିଛନ୍ତି । ବିଜେଡି ଛାଡି ଗତ ୨୦୧୮ ବିଜେପୁର ଉପନିର୍ବାଚନରେ ବିଜେପି ଦଳର ପ୍ରାର୍ଥୀ ହୋଇଥିଲେ ଅଶୋକ ପାଣିଗ୍ରାହୀ ମାତ୍ର ଏକ ବର୍ଷ ପାଇଁ ବିଜେପିରେ ରହିବା ପରେ ଏବେ ବିଜେପିକୁ କରିଛନ୍ତି ବାଏ ବାଏ |
୨୦୧୯ ଉପନିର୍ବାଚନରେ ତାଙ୍କୁ ପ୍ରାର୍ଥୀ କରାନଯିବାରୁ ସେ ଅସନ୍ତୋଷରେ ରହିଥିଲେ ମାତ୍ର ପରବର୍ତ୍ତୀ ମୁହୂର୍ତ୍ତରେ ତାଙ୍କୁ ଅଣଦେଖା କରାଯାଉଥିବା ଅଭିଯୋଗ ଆଣି ସେ ଦଳ ଛାଡିଛନ୍ତି |
ତେବେ ସେ ଅନ୍ୟ କେଉଁ ଦଳରେ ମିଶିବେ ତାହା ସଠିକ ଭାବରେ ଜଣାପଡିନଥିଲେ ମଧ୍ୟଦଳରେ ପୁଣିଥରେ ବିଜେଡିକୁ ଘର ବାହୁଡା କରିବା ନେଇ ଚର୍ଚ୍ଚା ହେଉଛି ।
ତେବେ ବିଜେପି ସାଂସଦ ସୁରେଶ ପୂଜାରୀ ଏନେଇ ପ୍ରତିକ୍ରିୟା ରଖିଛନ୍ତି, ଅଶୋକ ପାଣିଗ୍ରାହୀ ତାଙ୍କର ବନ୍ଧୁ ଏବଂ କାହିଁକି ସେ ଦଳ ଛାଡିଛନ୍ତି ତାହା ତାଙ୍କ ସଙ୍ଗେ କଥାବାର୍ତ୍ତା ହେବେ ବୋଲି ସେ କହିଛନ୍ତି ।
ବରଗଡରୁ ରାଜେଶ ସରାପ, ଇଟିଭି ଭାରତ
