ବରଗଡ: ବରଗଡ଼ ଲୋକସଭା ନିର୍ବାଚନ ମଣ୍ଡଳୀର ଅନ୍ତର୍ଗତ ୭ଟି ବିଧାନସଭା ନିର୍ବାଚନ ମଣ୍ଡଳୀରେ ଚାଲିଛି ଭୋଟ ଗଣତି । ଏହି 7ଟି ଆସନ ମଧ୍ୟରୁ ଭଟଲି ନିର୍ବାଚନ ମଣ୍ଡଳୀରେ ବିଜେଡିର ଦବଦବା ଜାରି ରହିଛି । ପୂର୍ବତନ ମନ୍ତ୍ରୀ ତଥା ଭଟଲି ବିଜେଡି ବିଧାୟକ ପ୍ରାର୍ଥୀ ସୁଶାନ୍ତ ସିଂ ଓ ବିଜେପି ବିଧାୟକ ପ୍ରାର୍ଥୀ ଇରାଶିଷ ଆଚାର୍ଯ୍ୟଙ୍କ ମଧ୍ୟରେ କଡା ଟକ୍କର ଦେଖିବାକୁ ମିଳିଛି । କଂଗ୍ରେସ ପ୍ରାର୍ଥୀ ସରୋଜ ମହାପାତ୍ର ବହୁ ପଛରେ ପଡିଛନ୍ତି ।
ଭୋଟ ଗଣତି କେନ୍ଦ୍ରରୁ ଆସିଥିବା ସୂଚନା ମୁତାବକ ଭଟଲି ନିର୍ବାଚନ ମଣ୍ଡଳୀ ଅନ୍ତର୍ଗତ 7ଗୋଟି ଗ୍ରାମରୁ ଭୋଟକୁ ଗଣି ପ୍ରକାଶିତ ରିପୋର୍ଟରେ ବିଜେଡି ବିଧାୟକ ପ୍ରାର୍ଥୀ ସୁଶାନ୍ତ ସିଂ 172 ଖଣ୍ଡ ଭୋଟରେ ଆଗୁଆ ରହିଥିଲେ । ତାଙ୍କ ନିକଟତମ ପ୍ରତିଦ୍ବନ୍ଦୀ ଇରାଶିଷଙ୍କୁ 1732 ଖଣ୍ଡ ଭୋଟ ମିଳିଥିଲାବେଳେ ସୁଶାନ୍ତଙ୍କୁ 1904 ଖଣ୍ଡ ଭୋଟ ମିଳିଛି ।
ଏଠାରେ ଶେଷ ଖବର ସୁଦ୍ଧା ରାଜ୍ୟରେ 109ଟି ବିଧାନସଭା ଆସନରେ ଆଗୁଆ ରହିଛି ବିଜେଡି । 26ଟି ଆସନରେ ବିଜେପି ଓ 13 ଟି ଆସନରେ କଂଗ୍ରେସ ଟ୍ରେଣ୍ଡ କରୁଛି । 21ଟି ଲୋକସଭା ଆସନରୁ 14ଟିରେ ବିଜେଡି ଓ 7 ଟି କଂଗ୍ରେସ ଆଗୁଆ ରହିଥିବାବେଳେ କଂଗ୍ରେସ ଖାତା ଖୋଲିବାରେ ସକ୍ଷମ ହୋଇପାରିନାହିଁ ।
ବରଗଡରୁ ରାଜେଶ ସରାପ, ଇଟିଭି ଭାରତ
