ବରଗଡ: ସଂକ୍ରମଣ ଭୟରେ କୋରୋନା ମୃତଦେହକୁ ମିଳିଲାନି ଚାରି କାନ୍ଧ । ଶେଷରେ ମୃତଦେହକୁ ଏକାକି କାନ୍ଧେଇ ଅନ୍ତିମ ସଂସ୍କାର କରିଛନ୍ତି ପୁତୁରା ।
ମୃତଦେହକୁ ଏକାକି ଅନ୍ତିମ ସଂସ୍କାର କଲା ପୁତୁରା
ସୂଚନା ଅନୁଯାୟୀ, ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଖିର୍ସାପାଲି ଗ୍ରାମର ପୁନଉ ମାଝୀ ଦୀର୍ଘ 15 ଦିନ ହେବ ଅସୁସ୍ଥ ଥିଲେ । ସେ ଘରେ ରହି ଚିକିତ୍ସିତ ହେଉଥିଲେ । ମାତ୍ର ରବିବାର ତାଙ୍କର ମୃତ୍ୟୁ ଘଟିଥିଲା ।
ଦୀର୍ଘ ପାଞ୍ଚ ଘଣ୍ଟା ତାଙ୍କ ମୃତଦେହ ପଡିରହିଲା । କିନ୍ତୁ କୋରୋନା ଭୟରେ ସାହିପଡିଶା ମୃତଦେହ ଅନ୍ତିମ ସତ୍କାର ପାଇଁ ଆସିନଥିଲେ । ମୃତ ପୁନଉଙ୍କ ପୁଅ ଝିଅ କେହି ନଥିବାବେଳେ ଏଭଳି ସମୟରେ ଆଖପାଖ ପଡୋଶୀ କେହି ତାଙ୍କ ଅନ୍ତିମ ସତ୍କାର ପାଇଁ ଆସିନଥିଲେ ।
ଶେଷରେ ତାଙ୍କ ପୁତୁରା ବାଧ୍ୟ ହୋଇ ଏକାକି ତାଙ୍କ ମୃତଦେହକୁ କାନ୍ଧରେ କାନ୍ଧେଇ ମଶାଣୀକୁ ନେଇ ଅନ୍ତିମ ସତ୍କାର କରିଥିଲେ ।
ବରଗଡରୁ ରାଜେଶ ସରାପ, ଇଟିଭି ଭାରତ
