ବରଗଡ: ଜମୁଛି ବିଜେପୁର ପ୍ରଚାର । ନେତା ଜନତାଙ୍କୁ ଦେଖାଉଛନ୍ତି ପୁଳା ପୁଳା ସ୍ବପ୍ନ । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ପ୍ରଚାର ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେପୁରରେ ପ୍ରଚାର କରିଛନ୍ତି । ଆଉ ଏବେ ମଇଦାନକୁ ଓହ୍ଲାଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ ।
ତେବେ ବିଜେପୁର ଉପନିର୍ବାଚନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୁଇ ଦିନିଆ ପ୍ରଚାର ଲୋକଙ୍କୁ କେତେ ପ୍ରଭାବିତ କରିବ ତାହାତ ଫଳାଫଳ କହିବ । ମାତ୍ର ଏବେ ଲୋକଙ୍କ ଏବଂ ନିର୍ବାଚନ ପ୍ରଚାରରେ ବହୁ ପଛରେ ପଡିଥିବା କଂଗ୍ରେସ ଦଳ ଜିତିବା ନିଶ୍ଚିତ ନେଇ ମତ ଦେଇଛନ୍ତି ସୁର ।
ମୁଖ୍ୟମନ୍ତ୍ରୀ ନବୀନଙ୍କ ଦୁଇଦିନିଆ ବିଜେପୁର ଗସ୍ତ ବିଜେପୁର ବାସୀଙ୍କୁ ପ୍ରଭାବିତ କରୁ ବା ନକରୁ ବିଜେଡିର ବିଜୟ ସୁନିଶ୍ଚିତ ବୋଲି କିଛି ଲୋକ ପ୍ରକାଶ କରୁଥିବା ବେଳେ କେତେକ କହୁଛନ୍ତି ବିଜେଡ଼ି ଲୋକଙ୍କୁ ବିକାଶ ନାଁରେ ବୋକା ବନାଇ ଚାଲିଛି । କେବଳ ମିଥ୍ୟା ଯୋଜନା ଓ ପ୍ରତିଶ୍ରୁତି ଦେଇ ଚାଲିଛି ଏବଂ ଏଥର ଲୋକେ କାହାକୁ ଭୋଟ ଦେବେ ତାହା ମନରେ ଭାବି ସାରିଲେଣି । ଲୋକେ ବିଜେଡି ଓ ବିଜେପି ଦଳ ମଧ୍ୟରେ ଲଢେଇ ହେବାର କହୁଥିବା ବେଳେ ଅନ୍ୟପଟେ କଂଗ୍ରେସ ଦଳର ନେତା ସୁର ରାଉତରାୟ କଂଗ୍ରେସ ପ୍ରାର୍ଥୀଙ୍କୁ ଲୋକେ ପସନ୍ଦ କରୁଥିବା କହୁଛନ୍ତି । ତେବେ କିଏ ପିନ୍ଧିବ ବିଜେପୁର ବିୟଜ ମୁକୁଟ ତାହା କହିବ ଫଳାଫଳ ।
ବରଗଡରୁ ରାଜେଶ ସରାପ, ଇଟିଭି ଭାରତ
