ବରଗଡ ଜିଲ୍ଲାରେ ମହିଳା ସରପଞ୍ଚ ଦେଖାଇଲେ ଜିଲ୍ଲାପାଳ କ୍ଷମତା

ବରଗଡ଼ ଜିଲ୍ଲା ମେଲଛାମୁଣ୍ଡା ଥାନା ଅନ୍ତର୍ଗତ ତେଲମହୁଲ ଗାଁର ମହିଳା ସରପଞ୍ଚ ଦେଖାଇଲେ ଜିଲ୍ଲାପାଳ କ୍ଷମତା । ଏନେଇ ତେଲମହୁଲ ଗାଁକୁ ସଟଡାଉନ ଘୋଷଣା କରାଯାଇଛି । ଅଧିକ ପଢନ୍ତୁ...

ବରଗଡ଼: ବରଗଡ଼ ଜିଲ୍ଲା ମେଲଛାମୁଣ୍ଡା ଥାନା ଅନ୍ତର୍ଗତ ତେଲମହୁଲ ଗାଁର ମହିଳା ସରପଞ୍ଚ ଦେଖାଇଲେ ଜିଲ୍ଲାପାଳ କ୍ଷମତା । ଏନେଇ ତେଲମହୁଲ ଗାଁକୁ ସଟଡାଉନ ଘୋଷଣା କରାଯାଇଛି । ସ୍ଥାନୀୟ ସରପଞ୍ଚ ସୁନୀତା ବରିହା ଜିଲ୍ଲାପାଳଙ୍କ କ୍ଷମତା ପ୍ରୟୋଗ କରି ଏହି କଟକଣା ଲାଗୁ କରିଛନ୍ତି । ଗ୍ରାମବାସୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଛି ବୋଲି କହିଛନ୍ତି ସରପଞ୍ଚ ।

ବରଗଡ ଜିଲ୍ଲାରେ ମହିଳା ସରପଞ୍ଚ ଦେଖାଇଲେ ଜିଲ୍ଲାପାଳ କ୍ଷମତା

ରାଜ୍ୟ ବାହାରକୁ ଦାଦନ ଖଟି ଯାଇଥିବା ଆଖପାଖ ବହୁ ଗ୍ରାମର ଶ୍ରମିକମାନେ ଗତକାଲି ଏକ ଯାତ୍ରୀବାହୀ ବସ ଯୋଗେ ତେଲମହୁଲ ଛକକୁ ଆସି ସେଠାରେ ଓହ୍ଲାଇଥିଲେ । ଏହାସହ ସେମାନେ ବିଭିନ୍ନ ସାମଗ୍ରୀ କିଣିବା ସହିତ ସେଠାରେ ଦୀର୍ଘ ସମୟ ଧରି ଅଟକି ରହିଥିଲେ ଏବଂ ନିକଟସ୍ଥ ନାଳରେ ନିତ୍ୟକର୍ମ ସାରି ଲୋକମାନଙ୍କ ସହ ମିଶି ଥିଲେ ।

ତେବେ, କରୋନା ସଂକ୍ରମଣ ଆଶଙ୍କା କରି ଉକ୍ତ ଗ୍ରାମକୁ ଦିନକ ପାଇଁ ସ୍ଥାନୀୟ ସରପଞ୍ଚ ସଟ‌ଡାଉନ‌ ଘୋଷଣା କରିଥିବା ଜଣାପଡିଛି ।

ବରଗଡ଼ରୁ ରାଜେଶ ସରାପ, ଇଟିଭି ଭାରତ