ବରଗଡ: ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ନିଶା କାରବାର । ବରଗଡ ସବ ଜେଲ କ୍ୱାଟର ପରିସରରୁ ବିପୁଳ ପରିମାଣର କପ ସିରଫ ଜବତ କରିଛି ଟାଉନ ପୋଲିସ l ସବଜେଲ ଭିତରେ ଥିବା କଏଦୀ ମାନଙ୍କୁ ନିଶା ଦ୍ରବ୍ୟ ଯୋଗାଉ ଥିଲେ ଜଣେ ସଫେଇ କର୍ମଚାରୀ । କିନ୍ତୁ ପୋଲିସ ପାଖରେ କୈଣସି ଖବର ନ ଥିଲା । ଜେଲରେ ଥିବା କିଛି କଏଦୀ ମୁକୁଳିବା ପରେ ଏ ଘଟଣାଟି ଲୋକଲୋଚନକୁ ଆସିଥିଲା ।
ସବଜେଲ କ୍ୱାଟର ପରିସରରୁ କପ ସିରଫ ଜବତ, ୨ ଗିରଫ
ତେବେ ଦୀର୍ଘ ଦିନରୁ ଚାଲିଥିବା ଏହି କାରବାର ବିଷୟରେ ଖବର ପାଇ ବରଗଡ ଟାଉନ ପୋଲିସ ସବଜେଲ କ୍ଵାଟରରେ ଚଢାଉ କରିଥିଲା । ଏବଂ ସେଠାରୁ ବ୍ୟାପକ ପରିମାଣରେ ନିଶା ଦ୍ରବ୍ୟ ଜବତ କରିବା ସହ ଅଭିଯୁକ୍ତଙ୍କୁ ଗିରଫ କରିଛି । ଏହି ଘଟଣାରେ ସବଜେଲରେ ସଫେଇ କର୍ମଚାରୀ ଆକାଶ ସିନ୍ଧିରୀୟା ଓ ତାଙ୍କ ଧର୍ମ ପତ୍ନୀକୁ ଗିରଫ କରି କୋର୍ଟକୁ ଚାଲାଣ କରିଛି ।
ବରଗଡରୁ ରାଜେସ ସରାପ, ଇଟିଭି ଭାରତ
