ବରଗଡ଼: ଧନ ତେରସ ପୂର୍ବରୁ ଗହଣା ଦୋକାନୀଙ୍କୁ ଝଟକା । ସିଟି ଓ ଜିଏସଟି ବିଭାଗ ଠକାମି ଅଭିଯୋଗରେ ଦୋକାନ ଉପରେ କରିଛି ଚଢ଼ାଉ । ଜିଲ୍ଲାର ପଦ୍ମପୁର ଉପଖଣ୍ଡ ପଦ୍ମପୁର ସହରରେ ଥିବା ମିନାକ୍ଷୀ ଜୁଏଲାରୀ ଦୋକାନ ଉପରେ ଚଢ଼ାଉ କରିଛି CT ଓ GST ବିଭାଗ ।
GST ଠକାମି ଅଭିଯୋଗ, ପଦ୍ମପୁର ଅଳଙ୍କାର ଦୋକାନ ଉପରେ ଚଢ଼ାଉ
ସରକାରଙ୍କୁ ଟିକସ ଫାଙ୍କିଥିବା ଅଭିଯୋଗରେ ଗହଣା ଦୋକାନରେ ସିଟି ଜିଏସଟି ବିଭାଗର ଏକ ଟିମ ପଦ୍ମପୁର ସହରସ୍ଥିତ ଏକ ଜୁଏଲାରୀ ଦୋକାନ ଉପରେ ଚଢ଼ାଉ ଜାରି ରଖିଛି । ପଦ୍ମପୁର ସହରର ଥାନା ଛକସ୍ଥିତ ମିନାକ୍ଷୀ ଜୁଏଲାରୀ ସୁନା ଗହଣା ବିକ୍ରି କରି ଟିକସ ଫାଙ୍କିଥିବା ଅଭିଯୋଗରେ ସିଟି ଓ ଜିଏସଟି ବିଭାଗର ୨ଟି ଟିମ ପଦ୍ମପୁର ଥାନା ଛକସ୍ଥିତ ଦୋକାନ ଓ ଘରେ ସମୁଦାୟ ୨ ଗୋଟି ଟିମ ଏକକାଳୀନ ଚଢ଼ାଉ କରିଥିଲେ ।
ସମସ୍ତ କ୍ରୟ ବିକ୍ରୟ ରେଜିଷ୍ଟର ଓ ସୁନା ଗହଣା ଯାଞ୍ଚ କରାଯାଇଥିବାବେଳେ ଯାଞ୍ଚ ପ୍ରକ୍ରିୟା ଶେଷ ହେବାପରେ ଉକ୍ତ ଚଢ଼ାଉର ସମ୍ପୂର୍ଣ୍ଣ ତଥ୍ୟ ଦିଆଯିବ ବୋଲି ଜିଏସଟି ବିଭାଗ ଅଧିକାରୀ ରଜନୀକାନ୍ତ ସେଠ ସୂଚନା ଦେଇଛନ୍ତି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
