ବରଗଡ: ମେସିନ ସାହାଯ୍ୟରେ ବିଲରୁ ଧାନ ଅମଳ କରୁଥିବାବେଳେ ଅଗ୍ନିକାଣ୍ଡ । ଅଗ୍ନିକାଣ୍ଡରେ ମେସିନ ସହ ଟ୍ରାକ୍ଟର ଓ ଦୁଇ ଏକର ଚାଷଜମିର ଧାନ ଜଳି ନଷ୍ଟ ହୋଇଯାଇଛି । ଏଭଳି ଏକ ଘଟଣା ଦେଖିବାକୁ ମିଳିଛି ବରଗଡ ବ୍ଲକ ଅନ୍ତର୍ଗତ ଅଡଗାଁରେ ।
ଏହି ଗାଁର ଭଗବତିଆ ପ୍ରଧାନ ନାମକ ଜଣେ ଧାନ ଚାଷୀ ତାଙ୍କ ଉପାର୍ଜିତ ଧାନକୁ ବିଲରୁ ମେସିନ ସାହାଯ୍ୟରେ ସଂଗ୍ରହ କରୁଥିଲେ । ସେହି ଗ୍ରାମର ପ୍ରଶାନ୍ତ ସାହୁଙ୍କ ଟ୍ରାକ୍ଟର ଓ ମେସିନ ଲଗାଇ ଧାନ ସଂଗ୍ରହ କରୁଥିବା ସମୟରେ ହଠାତ ଟ୍ରାକ୍ଟରରେ ନିଆଁ ଲାଗିଯାଇଥିଲା । ଦେଖୁ ଦେଖୁ ନିଆଁ ଧାନଗଦାରେ ଲାଗିଯାଇଥିଲା ଏବଂ ଭାଗବତିଆଙ୍କ ଦୁଇ ଏକର ଜମିର ଧାନ ପୋଡି ନଷ୍ଟ ହୋଇଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ବରଗଡ ଅଗ୍ନିଶମ ବିଭାଗକୁ ଗ୍ରାମ ଲୋକେ ଖବର ଦେବା ପରେ ଘଟଣାସ୍ଥଳକୁ ବିଭାଗୀୟ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ମେସିନ ଓ ଟ୍ରାକ୍ଟରରେ ଲାଗିଥିବା ନିଆଁକୁ ଲିଭାଇଥିଲେ । ମାତ୍ର ସେ ପର୍ଯ୍ୟନ୍ତ ଅମଳ ଧାନ ସବୁ ନିଆଁରେ ପାଉଁଶ ହୋଇସାରିଥିଲା ।
ବରଗଡରୁ ରାଜେଶ ସରାପ, ଇଟିଭି ଭାରତ
