ବରଗଡ: ବିଜ୍ଞାନ ଓ ଅନ୍ଧବିଶ୍ଵାଶ ମଧ୍ୟରେ ଯୁଦ୍ଧ ଚାଲି ଆସିଥିଲେ ମଧ୍ୟ ଆଜିର ଆଧୁନିକ ଯୁଗରେ ଅନ୍ଧବିଶ୍ଵାସ କିଛି ଲୋକଙ୍କ ମନରେ ବାନ୍ଧି ହୋଇରହିଛି । ସାପ କାମୁଡାରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ଡାକ୍ତର ଘୋଷଣା କରିଥିବା ବେଳେ ତିନି ଦିନ ଭିତରେ ଜୀବନ ଫେରିଆସିବ କହି ମୃତ ମହିଳାଙ୍କ ମୃତଦେହକୁ ଝଡାଫୁଙ୍କା କରିବା ଘଟଣା ବରଗଡ ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି ।
ପରିବାର ଲୋକେ ଅନ୍ଧବିଶ୍ବାସର ଜାଲରେ ପଡି ଜଣେ ଗୁଣିଆଙ୍କୁ ଡାକିଆଣି ମୃତ ମହିଳା ଜଣଙ୍କୁ ବଞ୍ଚାଇବା ପାଇଁ ନାନା ପ୍ରୟାସ କରିଥିଲେ । ମନ୍ତ୍ର ଉଚ୍ଚାରଣ କରି ଝଡାଫୁଙ୍କା ଆରମ୍ଭ କରିଦେଇଥିଲେ । ଏପରି ବହୁ ସମୟ କରିବା ପରେ ମଧ୍ୟ କୌଣସି ସୁଫଳ ନମିଳିବାରୁ ଗୁଣିଆ ଜଣକ ତିନିଦିନ ମଧ୍ୟରେ ମହିଳାଙ୍କ ଜୀବନ ଫେରିଆସିବ କହି ଏକ ଅପ୍ରୀତିକର ପରିସ୍ଥିତି ସୃଷ୍ଟି କରି ଚାଲିଯାଇଛି ।
ଆଜିର ଆଧୁନିକ ଯୁଗରେ ବିଜ୍ଞାନ ଏତେ ଅଗ୍ରଗତି କରିସାରିଥିଲେ ମଧ୍ୟ ଲୋକେ ଅନ୍ଧବିଶ୍ଵାସକୁ ନିଜ ମାନସିକତାରୁ ଦୂରେଇ ରଖିପାରୁନଥିବା ଚିନ୍ତାର ବିଷୟ ।
ବରଗଡରୁ ରାଜେଶ କୁମାର ସରାପ, ଇଟିଭି ଭାରତ
