ବରଗଡ: ଡାକ୍ତର କୋରୋନା ପଜିଟିଭ ଚିହ୍ନଟ । ଜିଲ୍ଲା ମୁଖ୍ୟ ଚିକିତ୍ସାଳୟ ରିବିବାର ଠାରୁ ୫ ଦିନ ପର୍ଯ୍ୟନ୍ତ ସଟଡାଉନ ଘୋଷଣା କରାଯାଇଛି | ଆଇସୋଲେସନ ୱାର୍ଡ଼କୁ ଛାଡି ଅନ୍ୟ ସମସ୍ତ ୱାର୍ଡ଼ ସଂପୂର୍ଣ୍ଣ ସଟଡାଉନ କରାଯାଇଛି | ଡାକ୍ତରଖାନାରେ ଭର୍ତ୍ତି ଥିବା ସମସ୍ତ ରୋଗୀ ମାନଙ୍କୁ ଅନ୍ୟତ୍ର ସ୍ଥାନାନ୍ତରିତ କରାଯାଇଛି |
ସୂଚନା ଅନୁଯାୟୀ ବରଗଡ ଜିଲ୍ଲା ମୁଖ୍ୟ ଚିକିତ୍ସାଳୟର ଡାକ୍ତର କୋରାନା ସଂକ୍ରମିତ ଥିବା ଜଣାପଡିବା ପରେ ସମସ୍ତଙ୍କ ସୁରକ୍ଷା ଦୃଷ୍ଟିରୁ ଡାକ୍ତରଖାନାକୁ ଆସନ୍ତା 23 ତାରିଖ ପର୍ଯ୍ୟନ୍ତ ସଟଡାଉନ କରାଯାଇଛି । ଏହା ସହିତ ରୋଗୀମାନଙ୍କୁ ମଧ୍ୟ ବରଗଡ ଟାଉନ ସ୍ଥିତ ପୁରୁଣା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି | ସମଗ୍ର ଡାକ୍ତରଖାନାକୁ ସିଲ କରିଦିଆଯାଇଛି ଏବଂ ଭିତର ବାହାର ସବୁ ୱାର୍ଡ଼ ଗୁଡିକୁ ମଧ୍ୟ ସାନିଟାଇଜ କରାଯାଇଛି |
ସେହିପରି ଡାକ୍ତରଙ୍କ କଣ୍ଟାକ୍ଟ ଟ୍ରେସିଙ୍ଗ ପରେ ବରଗଡ଼ର ମୁକେଶ ପଲି କ୍ଲିନିକ ଏବଂ ମୁକେଶ ମେଡିକାଲ ଷ୍ଟୋର୍କୁ ମଧ୍ୟ ୫ଦିନ ପାଇଁ ସଟ୍ଡାଉନ୍ କରାଯାଇଛି । ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ଚିହ୍ନଟ କରି ହୋମ୍ କ୍ବାରାଣ୍ଟାଇନ୍ରେ ରହିବାକୁ ପରାମର୍ଶ ଦିଆଯାଇଛି |
ବରଗଡରୁ ରାଜେଶ ସରାପ, ଇଟିଭି ଭାରତ
