ବରଗଡ: ୟୁରିଆ ସାର ଅଭାବ କାରଣରୁ ଚାଷୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ସୋମବାର ବରଗଡ ଡଭା ସମବାୟ ସମିତିକୁ ଅଳ୍ପ ସାର ଆସି ପହଞ୍ଚିଥିବାରୁ ଲୋକଙ୍କ ପ୍ରବଳ ଭିଡ ଦେଖିବାକୁ ମିଳିଥିଲା । ଫଳରେ ଲୋକଙ୍କ ମଧ୍ୟରେ କୋଭିଡ ନିୟମ ଉଲ୍ଲଙ୍ଘନ ହୋଇଥିଲା ।
କାହାରି ମୁହଁରେ ମାସ୍କ ଥିଲା ନଥିବାବେଳେ ସାମାଜିକ ଦୂରତ୍ବ କେହି ରକ୍ଷା କରିଥିଲେ । ଏପରିକି ସାର ବଣ୍ଟନ କରୁଥିବା ଅଧିକାରୀ ମାନେ ମଧ୍ୟ କୋଭିଡ଼ ନିୟମକୁ ଖାତିର ନକରି ସାର ବଣ୍ଟନ ପ୍ରକ୍ରିୟା ଜାରି ରଖିଥିଲେ। ସରକାରୀ କଳ ଖୋଦ କୋଭିଡ଼ ନିୟମକୁ ଉଲ୍ଲଙ୍ଘନ କଲେ ଗ୍ରାମାଞ୍ଚଳ ମାନଙ୍କରେ ଏହି ନିୟମକୁ କିଏ ଖାତିର କରିବ ?
ସାର ବଣ୍ଟନ ସମୟରେ ସମବାୟ ବିଭାଗର କୋଭିଡ ନିୟମ ଉଲ୍ଲଙ୍ଘନ
ବିନା ସାମାଜିକ ଦୂରତ୍ଵ ଓ ମାସ୍କରେ ନିର୍ଭୟରେ ଶହ ଶହ ଚାଷୀ ସାର ନେବାକୁ ପହଞ୍ଚିଥିଲେ ମଧ୍ୟ ଏହାର କୌଣସି ପ୍ରତିକାର କରାନଯିବା ଆଗାମୀ ଦିନରେ କୋରୋନା ସଂକ୍ରମଣ ବ୍ୟାପିବାର ଭୟକୁ ବଢାଇ ଦେଇଛି।
ବରଗଡରୁ ରାଜେଶ ସରାପ, ଇଟିଭି ଭାରତ
