କୋରୋନା ସଂକ୍ରମିତଙ୍କ ତଥ୍ୟ ଭାଇରାଲ, ଯୁବକଙ୍କ ନାମରେ ମାମଲା ରୁଜୁ

ସୋସିଆଲ ମିଡିଆରେ କୋରୋନା ସଂକ୍ରମିତଙ୍କ ତଥ୍ୟ ଭାଇରାଲ କରିବା ଜଣେ ଯୁବକଙ୍କ ପଡିଛି ମହଙ୍ଗା । ଏନେଇ ଥାନାରେ ମାମଲା ରୁଜୁ ହେବା ସହ ଘଟଣାର ତଦନ୍ତ ଆରମ୍ଭ ହୋଇଛି ।

ବରଗଡ: ସୋସିଆଲ ମିଡିଆରେ କୋରୋନା ସଂକ୍ରମିତଙ୍କ ତଥ୍ୟ ଭାଇରାଲ କରିବା ଜଣେ ଯୁବକଙ୍କ ପଡିଛି ମହଙ୍ଗା । ଏନେଇ ଥାନାରେ ମାମଲା ରୁଜୁ ହେବା ସହ ଘଟଣାର ତଦନ୍ତ ଆରମ୍ଭ ହୋଇଛି । ଘଟଣାଟି ହେଉଛି ଅତାବିରା ଅଞ୍ଚଳର । ଯେଉଁଠି ଜଣେ ପ୍ରହଲ୍ଲାଦ ଉର୍ମା ନାମକ ବ୍ୟକ୍ତି ଜଣେ ମହିଳା କୋରୋନା ସଂକ୍ରମିତ ଥିବା ନେଇ ତାଙ୍କ ସମ୍ବନ୍ଧୀୟ ସମସ୍ତ ତଥ୍ୟ ଫେସବୁକରେ ପୋଷ୍ଟ କରିଥିଲେ ।

ଏହି ପୋଷ୍ଟରେ ସଂକ୍ରମିତଙ୍କ ତଥ୍ୟ ଭାଇରାଲ ହୋଇଥିବା ବେଳେ ଏହା କୋଭିଡ ନିୟମର ଉଲଙ୍ଘନ ଅଟେ । ତେଣୁ ପ୍ରହଲ୍ଲାଦଙ୍କ ଅତାବିରା ଥାନାରେ ଏତଲା ଦିଆଯିବା ସହ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

ବରଗଡରୁ ରାଜେଶ ସରାପ, ଇଟିଭି ଭାରତ