ବରଗଡ: ରାଜ୍ୟରେ ବିଭିନ୍ନ ସ୍କୁଲ ପରିଦର୍ଶନରେ ଜିଲ୍ଲାପାଳ। କିପରି ସ୍କୁଲରେ ଖାଦ୍ୟ ଦିଆଯାଉଛି ଏବଂ କିପରି ଭାବରେ ଆବାସିକ ସ୍କୁଲ ମାନଙ୍କରେ ପରିଚାଳନା କରାଯାଉଛି ସେନେଇ ଜିଲ୍ଲାପାଳ ପଚାରି ବୁଝୁଛନ୍ତି । ସେହିପରିପ୍ରେକ୍ଷୀରେ ବରଗଡ ଜିଲ୍ଲାପାଳ ଜ୍ୟୋତିରଞ୍ଜନ ପ୍ରଧାନ ଗାଇସିଲେଟ ବ୍ଲକ ଅନ୍ତର୍ଗତ ଜନକେଡ଼ା ଗ୍ରାମର ଆବାସିକ ସ୍କୁଲ ପରିଦର୍ଶନ କରିଛନ୍ତି |
ପିଲାଙ୍କ ସହ ଖାଇଲେ ଜିଲ୍ଲାପାଳ
ଶନିବାର ଜନକେଡ଼ା ଆବାସିକ ସ୍କୁଲକୁ ଜିଲ୍ଲାପାଳ ହଠାତ ପହଞ୍ଚିଥିଲେ। ସେଠାକାର ପରିଚାଳନା ତଥା ଖାଦ୍ୟପେୟ ବିଷୟରେ ଛାତ୍ରଛାତ୍ରୀ ମାନଙ୍କୁ ପଚାରି ବୁଝିଥିଲେ ।ଛାତ୍ରଛାତ୍ରୀ ମାନଙ୍କର ସୁବିଧା ଅସୁବିଧା ବିଷୟରେ ତଥ୍ୟ ସଂଗ୍ରହ କରିଥିଲେ। ଏହାପରେ ପିଲାଙ୍କ ସହ ମିଶି ଜିଲ୍ଲାପାଳ ମଧ୍ୟାହ୍ନ ଭୋଜନ କରିଥିଲେ । ଛାତ୍ରଛାତ୍ରୀଙ୍କ ଗହଣରେ ପିଲାଙ୍କୁ ଦିଆଯାଉଥିବା ଖାଦ୍ୟ ଜିଲ୍ଲାପାଳ ମଧ୍ୟ ଖାଇଥିଲେ ଏବଂ ଏହାର ଗୁଣବତ୍ତା ମଧ୍ୟ ଯାଞ୍ଚ କରିଥିଲେ |
ବରଗଡରୁ ରାଜେଶ ସରାପ,ଇଟିଭି ଭାରତ
