ବରଗଡ: 2019 ସାଧାରଣ ନିର୍ବାଚନ ପାଇଁ ଦ୍ଵିତୀୟ ପର୍ଯ୍ୟାୟ ମତଦାନ ଆଜି ଆରମ୍ଭ ହୋଇଯାଇଛି | ତେବେ 5 ବର୍ଷ ପରେ ମତଦାନ ପାଇଁ ସମଗ୍ର ରାଜ୍ୟରେ ଉତ୍ସାହ ଦେଖିବାକୁ ମିଳିଛି। ସେହିପରି ଭାବେ ମତଦାନ କରିବାକୁ ନେଇ ବରଗଡ ଜିଲ୍ଲାର ଭୋଟର ଉତ୍ସାହିତ ଅଛନ୍ତି|
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ବରଗଡ ବିଧାନସଭାରେ ସକାଳ ୭ଟାରୁ ଆରମ୍ଭ ହୋଇଯାଇଛି ମତଦାନ। ଯାହା ସନ୍ଧ୍ୟା ୬ଟା ପର୍ଯ୍ୟନ୍ତ ଚାଲିବ। ଜିଲ୍ଲାର ମାଓ ପ୍ରବଣ ଅଞ୍ଚଳ ଯଥା ପଦ୍ମପୁର ଓ ଭଟଲି ନିର୍ବାଚନ ମଣ୍ଡଳୀର ଭୋଟର ସକାଳ ୭ଟାରୁ ଅପରାହ୍ନ ୪ଟା ମଧ୍ୟରେ ମତଦାନ କରିବାର ବ୍ୟବସ୍ଥା ହୋଇଛି |
ବରଗଡ ଲୋକସଭା ଆସନର ବିଜେଡି ପ୍ରାର୍ଥୀ ପ୍ରସନ୍ନ ଆଚାର୍ଯ୍ୟ ସ୍ଥାନୀୟ ବରଗଡ଼ ବ୍ରହ୍ମଚାରୀ ସ୍କୁଲରେ ମତଦାନ କରିଛନ୍ତି । ସେହିପରି କଂଗ୍ରେସର ଲୋକସଭା ପ୍ରାର୍ଥୀ ପ୍ରଦୀପ ଦେବତା ରଂଘରପଡା ସ୍କୁଲରେ ଏବଂ ବିଜେପୁର ବିଧାନସଭା ଆସନର ବିଜେଡି ପ୍ରାର୍ଥିନୀ ସ୍ନେହାଙ୍ଗିନୀ ଛୁରିଆ ମତଦାନ କରିଛନ୍ତିି।
ବରଗଡରୁ ରାଜେଶ ସରାପ୍, ଈଟିଭି ଭାରତ
