ବରଗଡ଼: ଟାଉନ ଥାନା ପୋଲିସକୁ ମିଳିଛି ଆଉ ଏକ ବଡ଼ ସଫଳତା । 1920 ବୋତଲ କଫ୍ସିରପ ଏବଂ ନିଶା ବଟିକା ସହିତ 4 ଜଣ ନିଶା ବ୍ୟାପାରୀଙ୍କୁ ଟାଉନ ପୋଲିସ ଗିରଫ କରି କୋର୍ଟଚାଲାଣ କରିଛି । ପୋଲିସକୁ ଚକମା ଦେବା ପାଇଁ ବ୍ୟବହାର ହେଉଥିବା ପ୍ରେସ ଲେଖାଥିବା କାରକୁ ମଧ୍ୟ ଜବତ କରିଛି ପୋଲିସ ।
ଗିରଫ ଅଭିଯୁକ୍ତମାନେ ହେଲେ ବରଗଡ଼ ପୌର ପରିଷଦ ଅଧୀନ ୱାର୍ଡ଼ ନଂ -୯ ନୂଆପଡ଼ାର ସରୋଜ ଭୋଇ, ଅବଦେଶ ତ୍ରିପାଠୀ , ରାଧାକାନ୍ତ ଭୋସାଗର ଓ ଜଣେ ମହିଳା । ସେମାନଙ୍କ ପାଖରୁ ୧୨୯୦ ବୋତଲ କଫ୍ ସିରପ୍, ୨୦ ପ୍ୟାକେଟ୍ ନାଇଟ୍ରେଶନ ଟାବଲେଟ୍, ୨ଟି କାର୍, ମୋବାଇଲ ଫୋନ ସହ ୫ହଜାର ଟଙ୍କା ଜବତ ହୋଇଛି ।
ଗିରଫ ଅଭିଯୁକ୍ତଙ୍କୁ NDPS ଆକ୍ଟରେ କୋର୍ଟଚାଲାଣ କରାଯାଇଛି । ସେମାନଙ୍କ ବିରୋଧରେ ବରଗଡ଼ ଟାଉନ ଥାନାରେ ଏକ କେସ୍ ନଂ.୨୮୦/୨୧ ରୁଜୁ ହୋଇଛି । ଗିରଫ ଅଭିଯୁକ୍ତଙ୍କ ଠାରୁ 2 ଗୋଟି କାର ମଧ୍ୟ ଜବତ କରାଯାଇଥିବା ବେଳେ ଜବତ ହୋଇଥିବା କାର୍ରେ ପ୍ରେସ୍ ଲେଖାଥିବା ନେଇ ବରଗଡ଼ ଏସ୍ଡ଼ିପିଓ ଦୀପକ କୁମାର ଗୋଚ୍ଛାୟତ ସୂଚନା ଦେଇଛନ୍ତି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
