ବରଗଡ: ବ୍ୟବସାୟୀକ ସଂଘ ଅତାବିରା ତରଫରୁ ଜିଲ୍ଲାପାଳଙ୍କ ଉଦ୍ଦେଶ୍ୟରେ ସ୍ଥାନୀୟ ତହସିଲଦାରଙ୍କୁ ଦାବିପତ୍ର ପ୍ରଦାନ କରାଯାଇଛି । ବରଗଡ ଜିଲ୍ଲା ଅତାବିରା ସହରରେ କିଛି ଦିନ ହେଲା ବଢିଚାଲିଛି ଚୋରି, ଲୁଣ୍ଠନ, ହତ୍ୟା ଇତ୍ୟାଦି କାର୍ଯ୍ୟକୁ ଦମନ ତଥା ବ୍ୟବସାୟୀ ଓ ସହରବାସୀଙ୍କ ଧନ ଜୀବନ ସୁରକ୍ଷା ପାଇଁ ଜିଲ୍ଲାପାଳଙ୍କ ଉଦ୍ଦେଶ୍ୟରେ ସ୍ଥାନୀୟ ଅତାବିରା ତହସିଲଦାରଙ୍କୁ ୪ ଦଫା ଦାବି ନେଇ ଭେଟିବା ସହ ଏକ ଦାବିପତ୍ର ଦେଇଛନ୍ତି।
ବ୍ୟବସାୟୀକ ସଂଘ ତରଫରୁ ତହସିଲଦାରଙ୍କୁ ଚେତାବନୀ
୧୫ ଦିନରୁ ଊର୍ଦ୍ଧ୍ଵ ବିତିଯାଇଥିଲେ ସୁଦ୍ଧା ଦିନ ଦ୍ଵିପହରରେ ଲକ୍ଷ ଲକ୍ଷ ଟଙ୍କାର ସୁନାଗହଣା ଚୋରୀ ଘଟଣାର ପର୍ଦ୍ଦାଫାସ, ରାତ୍ରିକାଳୀନ ପାଟ୍ରୋଲିଂ ବ୍ୟବସ୍ଥା କଡାକଡି କରାଯାଉ । ପ୍ରତିଶ୍ରୁତି ଅନୁଯାଇ ପିସିଆର ଭ୍ୟାନ ଯୋଗାଇ ଦିଆଯାଉ ଏମିତି ଅନେକ ଦାବି କରିବା ସହ ତୁରନ୍ତ ଦାବି ପୂରଣ ନହେଲେ ଆସନ୍ତା 13 ତାରିଖ ତଥା ମଙ୍ଗଳବାର ଦିନଠାରୁ ଅନିର୍ଦ୍ଧିଷ୍ଟ କଳା ପାଇଁ ଧାରଣାରେ ବସିବୁ ବୋଲି ଚେତାବନୀ ଦେଇଛି ସଂଘ ।
ବରଗଡରୁ ରାଜେଶ ସରାପ, ଇଟିଭି ଭାରତ
