ବରଗଡ: ଜିଲ୍ଲାରେ ରବିବାର(ଆଜି) 7 ଜଣ ନୂଆ କୋରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ଜଣେ କୋରୋନା ରୋଗୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଏବେ ସୁଦ୍ଧା ବରଗଡ ଜିଲ୍ଲାରେ ସମୁଦାୟ ସଂକ୍ରମିତଙ୍କ ସଂଖ୍ୟା 583 କୁ ପହଞ୍ଚିଥିବା ବେଳେ ସଂକ୍ରମଣରେ ମୃତ୍ୟୁ ସଂଖ୍ୟା 2 କୁ ପହଞ୍ଚିଛି।
ବରଗଡରେ ଆଜିର 7 ଜଣ ସଂକ୍ରମିତଙ୍କ ମଧ୍ୟରୁ ଜଣେ କୋରୋନା ଯୋଦ୍ଧା ସାମିଲ ଥିବା ବେଳେ ଅନ୍ୟ ମାନେ ବରଗଡ ବ୍ଲକ, ସୋହେଲା ବ୍ଲକ , ଗାଇସିଲେଟ ବ୍ଲକ ଓ ବରପାଲି ବ୍ଲକରୁ ରହିଛନ୍ତି। ଜଣେ ସଂକ୍ରମିତ 23 ବର୍ଷର ମହିଳା ହୋଇଥିବା ବେଳେ ଅନ୍ୟ ସମସ୍ତ ସଂକ୍ରମିତ ପୁରୁଷ ଅଟନ୍ତି ।
ବରଗଡ ଜିଲ୍ଲା କୋରୋନା ହଟସ୍ପଟ ଅଞ୍ଚଳ ପାଲଟିଥିବା କଟାପାଳି ଗ୍ରାମର ଜଣେ 60 ବର୍ଷର କୋରୋନା ରୋଗୀଙ୍କ ଚିକିତ୍ସିତ ଅବସ୍ଥାରେ ଆଜି ମୃତ୍ୟୁ ହୋଇଛି। ଆକ୍ରାନ୍ତ ଜଣକ ଗୋଷ୍ଠୀ ସଂକ୍ରମଣର ଶିକାର ହୋଇ ଚିକିତ୍ସିତ ହେଉଥିଲେ।
ବରଗଡରୁ ରାଜେଶ ସରାପ,ଇଟିଭି ଭାରତ
