ବରଗଡ: ଭଟିଗାଁ ରେଳଲାଇନରୁ ମିଳିଛି ମୃତଦେହ । ମୃତକଙ୍କ ପରିଚୟ ମିଳିନଥିବା ବେଳେ ବୃଦ୍ଧଙ୍କ ବୟସ 60 ରୁ 65 ବର୍ଷ ହୋଇଥିବା ଅନୁମାନ କରାଯାଉଛି ।
ବଲାଙ୍ଗୀର ରେଳବାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିଛି । ପ୍ରାଥମିକ ତଦନ୍ତରୁ ବୃଦ୍ଧ ଜଣକ କୌଣସି କାରଣରୁ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ବଲାଙ୍ଗୀର ରେଳବାଇ ପୋଲିସ ପକ୍ଷରୁ ASI ବିଶିକେଶନ ସାହୁଙ୍କ ନେତୃତ୍ଵରେ ମୃତଦେହକୁ ମହାପରାୟଣ ଗାଡିରେ ବଲାଙ୍ଗୀର ନିଆଯାଇଛି ।
ତେବେ କେଉଁ କାରଣରୁ ବୃଦ୍ଧଙ୍କ ମୃତ୍ୟୁ ଘଟିଛି ଜଣାପଡି ନଥିଲେ ମଧ୍ୟ ଟ୍ରେନରେ କଟି ବୃଦ୍ଧଙ୍କ ଖଣ୍ଡବିଖଣ୍ଡିତ ମୃତଦେହ ରେଳ ଧାରଣାର ଉଭୟ ପାର୍ଶ୍ବରେ ପଡିରହିଥିବା ଦେଖିବାକୁ ମିଳିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
