ବରଗଡ: କୋରୋନା କବଳରେ ଧିରେ ଧିରେ ଗ୍ରାସ ହେବାରେ ଲାଗିଛି ବରଗଡ ଜିଲ୍ଲାର କଟାପାଳି ଗ୍ରାମ । ଜିଲ୍ଲାରେ ସୋମବାର 33 ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ସମସ୍ତେ ଏହି କଟାପାଳି ଗ୍ରାମର ହୋଇଥିବା ଜଣା ପଡିଛି । ବର୍ତ୍ତମାନ ଜିଲ୍ଲାରେ ମୋଟ ଆକ୍ରାନ୍ତ ସଂଖ୍ୟା 166ରେ ପହଞ୍ଚିଛଇ । ଯେଉଁଥିରେ କଟାପାଳି ଗ୍ରାମରେ 105 ଜଣ ଆକ୍ରାନ୍ତ ରହିଛନ୍ତି । ଯାହା ବର୍ତ୍ତମାନ ପ୍ରଶାସନର ଚିନ୍ତା ଦ୍ବିଗୁଣିତ କରିଛି ।
ସୂଚନା ଅନୁଯାୟୀ କଟାପାଳି ଗ୍ରାମରେ ମୋଟ ଜନସଂଖ୍ୟା ହେଉଛି 5205 । ଏମାନଙ୍କ ମଧ୍ୟରୁ 1393 ଜଣଙ୍କ ସ୍ବାବ ନମୂନା ପରୀକ୍ଷା କରାଯାଇବା ବେଳେ ସେଥିରୁ ଏଯାବତ୍ 105ଟି ନମୂନାର ପଜିଟିଭ ରିପୋର୍ଟ ଆସିଛି । ଏଥିସହ ଏହି ଗ୍ରାମରେ କୋରୋନାରେ ଜଣେ ଆକ୍ରାନ୍ତଙ୍କ ମୁଣ୍ଡ ଗଡିସାରିଥିବା ଜଣା ପଡିଛି । ସେପଟେ ସୋମବାର ଜିଲ୍ଲାରେ ଚିହ୍ନଟ 33 ଜଣଙ୍କ ମଧ୍ୟରୁ 16 ଜଣ ପୁରୁଷ ଓ 17 ଜଣ ମହିଳା ରହିଛନ୍ତି । ସମସ୍ତ ଆକ୍ରାନ୍ତଙ୍କୁ ତୁରନ୍ତ ଜିଲ୍ଲାର କୋଭିଡ ହସ୍ପିଟାଲରେ ଭର୍ତ୍ତି କରାଯାଇଛି ।
କଟାପାଳି ଗ୍ରାମରେ କୋରୋନା ଆତଙ୍କ ବଢିଚାଲିଥିବା ବେଳେ ପ୍ରଶାସନର ଆଗାମୀ ପଦକ୍ଷେପ ଉପରେ ଗ୍ରାମବାସୀଙ୍କ ନଜର ରହିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
