ବରଗଡ: ବରପାଲି ବ୍ଲକ ଅନ୍ତର୍ଗତ କାଇଁସିର ବାଳିକା ସେବାଶ୍ରମରେ ଅଘଟଣ । ଖାଦ୍ୟରେ ବିଷକ୍ରିୟା ଯୋଗୁଁ ସ୍କୁଲ ସେବାଶ୍ରମର 28 ଛାତ୍ରୀ ଅସୁସ୍ଥ ହୋଇଥିଲେ । ସମସ୍ତଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ରାତ୍ରିଭୋଜନ ଖାଇ ବାଳିକା ସେବାଶ୍ରମର 28 ଛାତ୍ରୀ ଅସୁସ୍ଥ
ସୋମବାର ରାତିରେ ସେବାଶ୍ରମର ସମସ୍ତ ଛାତ୍ରୀମାନେ ରାତ୍ରି ଭୋଜନ ପରେ ଶୋଇଥିଲେ । ମଙ୍ଗଳବାର ସକାଳେ ଗୋଟେ ପରେ ଗୋଟେ କରି 28 ଜଣ ଛାତ୍ରୀଙ୍କ ସ୍ବାସ୍ଥ୍ୟାବସ୍ଥା ବିଗିଡବାକୁ ଲାଗିଥିଲା । ଛାତ୍ରୀମାନଙ୍କୁ ଝାଡା ବାନ୍ତି ହେବାରୁ ସଙ୍ଗେ ସଙ୍ଗେ ସ୍କୁଲ ପକ୍ଷରୁ ଆମ୍ବୁଲାନ୍ସ ଡକାଯାଇ ସେମାନଙ୍କୁ ବରପାଲି ଡାକ୍ତରଖାନାକୁ ଚିକିତ୍ସା ପାଇଁ ନିଆଯାଇଥିଲା । ଡାକ୍ତରଖାନାରେ ଚିକିତ୍ସିତ ହୋଇ ସୁସ୍ଥ ହେବା ପରେ ସମସ୍ତ ଛାତ୍ରୀଙ୍କୁ ସେବାଶ୍ରମକୁ ଛାଡିଦିଆଯାଇଛି । ତେବେ ରାତ୍ରି ଭୋଜନ ଖାଦ୍ୟରେ କୌଣସି କାରଣରୁ ବିଷକ୍ରିୟା ଯୋଗୁଁ ଛାତ୍ରୀ ମାନଙ୍କ ସ୍ବାସ୍ଥ୍ୟାବସ୍ଥା ବିଗିଡିଥିବା ଜଣାପଡିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
