ବରଗଡ: ସହରର ଜଣେ ବ୍ୟବସାୟୀଙ୍କ ବୋଲେରୋ ପିକଅପ ଗାଡି ଭିତରୁ ଲକ୍ଷାଧିକ ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି । ଏନେଇ ବରଗଡ ଟାଉନ ଥାନାରେ ଏତଲା ଦେଇଛନ୍ତି ସମ୍ପୃକ୍ତ ବ୍ୟାପାରୀ । ସହରର ଧରମସାଲା ଛକ ନିକଟରେ ଏପରି ଘଟଣା ଘଟିଥିବା ସୂଚନା ମିଳିଛି ।
ବ୍ୟବସାୟୀଙ୍କ ବୋଲେରୋରୁ 2 ଲକ୍ଷ 27 ହଜାର ଚୋରି
ମିଳିଥିବା ସୂଚନା ଅନୁସାରେ ବରଗଡ ଭେଡେନ ଗ୍ରାମର ଅଶୋକ ଅଗ୍ରୱାଲ ନାମକ ବ୍ୟବସାୟୀ ତାଙ୍କର କିରାନା ଦୋକାନର ସାମଗ୍ରୀ କ୍ରୟ କରିବାକୁ ତାଙ୍କ ଗାଡି ଡ୍ରାଇଭର ସହିତ 2 ଲକ୍ଷ 27 ହଜାର ଟଙ୍କା ସହ ବରଗଡକୁ ପଠାଇଥିଲେ । ଡ୍ରାଇଭର ଜଣକ ବୋଲେରୋ ଗାଡିରେ ଟଙ୍କା ରଖି ଲକ କରି କିରାନା ହୋଳସେଲ ଦୋକାନକୁ ସାମଗ୍ରୀ କିଣିବା ପାଇଁ ଯାଇଥିଲେ ।
ତେବେ ସେ ଫେରିବା ପରେ ଗାଡିରୁ ଟଙ୍କା ଚୋରି ହୋଇଯାଇଥିବା ଜାଣିବାକୁ ପାଇଥିଲେ । ଡ୍ରାଇଭର ଜଣକ ସଙ୍ଗେ ସଙ୍ଗେ ତାଙ୍କ ମାଲିକଙ୍କୁ ଏସମ୍ପର୍କରେ ଅବଗତ କରିବା ସହ ଥାନାରେ ମଧ୍ୟ ଏlଲା ଦେଇଥିଲେ । ଏତଲା ଆଧାରରେ ତଦନ୍ତ ଆରମ୍ଭ କରିଛି ପୋଲିସ ।
ବରଗଡରୁ ରାଜେଶ ସରାପ, ଇଟିଭି ଭାରତ
